1 April

1 April is die 91ste dag van die jaar in die Gregoriaanse kalender (92ste in skrikkeljare). Dit is ook die eerste dag van die tweede kwartaal van die jaar. Daar volg nog 274 dae in die res van die jaar.

Die dag staan ook as gekkedag bekend omdat mense graag op die dag poetse bak en met mekaar die gek skeer. Die dag se nuusgebeure moet eers noukeurig geverifieer word alvorens dit op Wikipedia ingevoer word.

Gebeure

Thumb — 2009 – Albanië en Kroasië sluit by die NAVO aan

527 – Die Bisantynse keiser Justinus I wys sy neef Justinianus I aan as medeleier en opvolger.
1517 – Pous Leo X stel Antoine Bohier du Prat, aartsbiskop van Bourges en Guillaume III de Croy, biskop van Cambrai aan as kardinale.
1572 – Den Briel (Brielle) in Nederland word deur die 'Watergeuzen' ingeneem. Begin van die opstand teen Spanje.
1605 – Pous Leo XI (Alessandro Ottaviano de' Medici) volg Pous Clemens VIII op as pous van die Rooms-Katolieke Kerk.
1636 – 6000 troepe van Bern verower die Waadt/Vaud om die stad Lausanne van Savoye. Lyfeienaarskap oor die boere word afgeskaf en die bevolking tree oor tot die Protestantse leer.
1789 – Die Huis van Verteenwoordigers vergader vir die eerste keer met 'n kworum in New York Stad en verkies Frederick Muhlenberg as die eerste Speaker.
1826 – Die binnebrandenjin word gepatenteer.
1841 – Eerw. Daniel Lindley word as eerste leraar van die NG gemeente Pietermaritzburg bevestig.
1867 – Singapoer word 'n Britse kroonkolonie.
1918 – Die R.A.F. word gestig.
1924 – Adolf Hitler word tot 5 jaar gevonnis vir sy leidende rol in die "Hitler-Putsch" (Hitler-staatsgreep).
1935 – Eugenio Pacelli (later Pous Pius XII) word Camerlengo.
1945 – Tweede Wêreldoorlog: Amerikaanse troepe val die Okinawa-eilande binne.
1949 – Newfoundland verenig met Kanada.
1960 – Tiros I, die eerste weersatelliet, word gelanseer.
1973 – Project Tiger, 'n tierbewaringsprojek, word in die Corbett Nasionale Park in Indië gestig.
1976 – Steve Jobs en Steve Wozniak stig Apple Computer.
1979 – Iran word uitgeroep as Islamietiese republiek, 'n teokrasie gelei deur ajatolla Ruhollah Khomeini as die Opperleier van Iran.
1990 – Transnet word gestig.
1998 – Festus Mogae word ingesweer as derde President van Botswana.
1999 – Nunavut word van die Noordwestelike gebiede afgestig as eie gebied binne die Kanadese Konfederasie.
2001 – Slobodan Milosevic gee homself oor om vir oorlogsmisdade verhoor te word.
2008 – Ian Khama volg Festus Mogae op as President van Botswana.
2009 – Albanië en Kroasië sluit by die NAVO aan.
2018 – Die President van Botswana, Ian Khama, bedank en word deur Adjunkpresident Mokgweetsi Masisi opgevolg.

Geboortes

1578 – William Harvey, Engelse dokter († 1657).
1875 – Edgar Wallace, Engelse skrywer († 1932).
1815 – Otto von Bismarck, eerste minister van Pruise, kanselier van die Noord-Duitse Verbond en die eerste rykskanselier van die Duitse Keiserryk ( († 1898).
1859 – G.R. von Wielligh, Suid-Afrikaanse skrywer († 1932)
1866 – Ferruccio Busoni, Italiaanse pianis, komponis, dirigent, skrywer, verwerker van musiek en pedagoog († 1924).
1873 – Sergei Rachmaninoff, Russiese komponis, pianis, en dirigent († 1943).
1885 – Wallace Beery, Amerikaanse akteur († 1949).
1929 – Jane Powell, Amerikaanse aktrise († 2021).
1939 – Ali MacGraw, Amerikaanse aktrise, model, skrywer en diereregte-aktivis.
1950 – Regter Samuel Alito Jr, Assosiaat-regter van die Federale Hooggeregshof van die Verenigde State.
1952 – Bernard Stiegler, Franse filosoof († 2020).
1955 – Ockie Oosthuizen, Springbokrugbyspeler († 2019).
1976 – John Elkann, Italiaans-Amerikaanse nyweraar en bestuurder.
1997 – Asa Butterfield, Britse akteur.

Sterftes

1204 – Eleonore van Akwitanië, koningin van Frankryk en Engeland (* 1122 of 1124).
1915 – Catharina van Rees, Nederlandse skryfster van die Volkslied van die Zuid-Afrikaansche Republiek (* 1831).
1917 – Scott Joplin, Amerikaanse komponis en pianis, veral bekend vir sy treffer, "The Entertainer" (* Onbekend, moontlik 1868).
1922 – Karel I van Oostenryk, laaste keiser van Oostenryk-Hongarye (* 1887).
1946 – Lionel Royce, Oostenrykse - Amerikaanse akteur (* 1891).
1947 – George II, koning van Griekeland (* 1890).
1958 – Prof. Gabriël Gideon Cillié, Afrikaanse opvoedkundige en kultuurleier (* 1870).
1976 – Max Ernst, Duitse skilder (* 1891).
1984 – Marvin Gaye, Amerikaanse sanger (* 1939).
2002 – Simo Häyhä, Finse soldaat en waarskynlik die suksesvolste sluipskutter van alle tye (* 1905).
2010 – John Forsythe, Amerikaanse akteur (* 1918).
2012 – Milla Louw, Afrikaanse aktrise en stemafrigter (* 1922).
2012 – Miguel de la Madrid (77), Meksikaanse president (* 1934).
2018 – Steven Bochco (74), Amerikaanse televisievervaardiger (* 1943).

Vakansie-, vierings- en waarnemingsdae

April-gekkedag, vergelyk 28 Desember vir die Katolieke lande.
Die Romeine het Veneralia gevier vir Venus.
In Japan is dit die begin van die nuwe finansiële en skooljaar.