Стәрлетамаҡ өлкәһе

Стәрлетамаҡ өлкәһе —1952—1953 йылдарҙа Башҡорт АССР-ы  составындағы РСФСР административ-территориаль берәмеге. 

Стәрлетамаҡ өлкәһе

Ил	СССР
Төрө	Өлкә (административ берәмек)
Урынлашҡан урыны	Башҡорт АССР-ы
Идари үҙәге	Стәрлетамаҡ
ВКП(б)-ның һәм КПСС-тың Стәрлетамаҡ өлкә комитетының беренсе секретаре	Пётр Ильич Каменев
Стәрлетамаҡ өлкә Советы Башҡарма комитеты рәйесе	Ғатауллин Шәйех Мырҙа улы
Рәсми тел	башҡорт теле, урыҫ теле,

Үҙәге — Стәрлетамаҡ ҡалаһы. ВКП(б) Стәрлетамаҡ өлкә комитетының беренсе секретаре П. И. Каменев булған. Беренсе өлкә конференцияһы 1952 йылдың 6 сентябрендә уҙғарылған. КПСС өлкә комитеты бюроһы постановлениеһы менән Стәрлетамаҡ өлкә комитеты 1953 йылдың 28 апрелендә Башҡорт АССР-ы составындағы өлкәләрҙе юҡҡа сығарыу менән бәйле бөтөрөлгән.

Тарихы

Стәрлетамаҡ өлкәһе (Өфө өлкәһе менән бер рәттән) СССР Юғары Советы Президиумы бойороғо менән 1952 йылдың 29 майында эре АССР-ҙар араһында өлкәләргә бүлеү эксперименты барышында барлыҡҡа килгән.

Административ бүленеш 

Башҡорт һәм Татар АССР-ҙары өлкәләре 1953 йылда

Башҡортостандың көньяҡ өлөшөндә урынлашҡан булған.

Өлкә составына индерелгән булған:

• ҡалалар — Стәрлетамаҡ, Ишембай, Белорет, Баймаҡ
• 25 ауыл районы — Абҙан, Әбйәлил, Архангель, Ауырғазы, Баймаҡ, Белорет, Быҙауъяҙы, Бөрйән, Воскресенский, Ғафури, Ейәнсура, Йылайыр, Ҡырмыҫҡалы, Күгәрсен, Көйөргәҙе, Маҡар, Матрай, Мәләүез, Миәкә, Стәрлебаш, Стәрлетамаҡ, Учалы, Фёдоровка, Хәйбулла, Йомағужа райондары.

Бер йыл да үтмәгән, эксперимент уңышһыҙ тип табылған һәм СССР Юғары Советы бойороғо менән 1953 йылдың 30 апрелендә Стәрлетамаҡ өлкәһе бөтөрөлгән.

Етәкселәре

• Каменев Пётр Ильич — ВКП(б)-ның һәм КПСС-тың Стәрлетамаҡ өлкә комитетының беренсе секретаре
• Ғатауллин Шәйех Мырҙа улы — Стәрлетамаҡ өлкә Советы Башҡарма комитеты рәйесе
• Бәҙертдинов Йәғәфәр Зәйнәғетдин улы — Стәрлетамаҡ өлкә Советы Башҡарма комитеты секретаре

Һылтанмалар

• СТЕРЛИТАМАКСКИЙ И УФИМСКИЙ ОБЛАСТНЫЕ КОМИТЕТЫ (ОБКОМЫ) (1952—1953 гг.) 2017 йыл 27 март архивланған.
• Стерлитамакская область