Ігар Ражкоў

Ігар Ражкоў (нарадзіўся 24 чэрвеня 1981 году, Магілёў, БССР) — колішні беларускі футбаліст, паўабаронца. Уваходзіць у Клюб Сяргея Алейнікава для беларускіх футбалістаў, якія згулялі 500 і болей афіцыйных матчаў^[2].

Ігар Ражкоў
Пэрсанальная інфармацыя
Нарадзіўся	24 чэрвеня 1981(1981-06-24)[1] (44 гады) Татарка, Асіпавіцкі раён, Магілёўская вобласьць, БССР, СССР
Рост	182 см
Вага	74 кг
Пазыцыя	абаронца
Клюбы
Гады	Клюб	Гульні (галы)¹
1999	Вейна[d]	10 (2)
2000—2002	Дняпро Магілёў	65 (9)
2003—2006	Дынама Менск	103 (5)
2006—2008	Крыўбас	44 (0)
2009—2013	Шахцёр Салігорск	108 (2)
2014	Белшына	28 (2)
2015	Дынама Берасьце	24 (1)
2016—2019	Гомель	67 (1)
2019	Славія Мазыр	10 (1)
2020—2021	Арсэнал Койданаў	27 (1)
Зборныя
2002—2004	Беларусь (да 21)	19 (5)
2003	Беларусь	1 (1)

Кар’ера

Клюбная

У 1999 годзе пачаў кар’еру футбаліста ў складзе магілёўскага «Дняпра-2». Пазьней выступаў у асноўны камандзе, а таксама ў магілёўскім клюбе «Вейна», затым перайшоў у менскае «Дынама». З 2006 году па 2008 год абараняў колеры ФК «Крыўбас» з Крывога Рогу, у 2009 годзе вярнуўся на радзіму, заключыўшы кантракт з «Шахцёрам» з Салігорску. У лютым 2014 году перайшоў у бабруйскую «Белшыну»^[3]. З 2015 году выступаў за берасьцейскае «Дынама»^[4]. У студзені 2016 году падпісаў кантракт з клюбам «Гомель»^[5]. У жніўні 2019 году перайшоў у мазырскую «Славію»^[6]. У сьнежні 2019 году далучыўся да койданаўскага «Арсэналу»^[7]. У пачатку сэзону 2020 году пераважна выходзіў на замену, зь верасня пачаў трывала гуляць у стартавым складзе каманды. У сэзоне 2021 году пераважна заставаўся на лаўцы запасных і зьяўляўся на полі эпізадычна, выконваў ролю гуляючага трэнэра каманды.

Міжнародная

З 2002 па 2004 гады быў гульцом моладзевай зборнай Беларусі, зь якой выступіў на моладзевым чэмпіянаце Эўропы ў Нямеччыне. Таксама, у 2003 годзе дэбютаваў у складзе нацыянальнай зборнай у таварыскім матчы супраць зборнай Узбэкістану, дзе забіў свой адзіны гол за зборную.

Трэнерская

У лютым 2022 году канчаткова перакваліфікаваўся на трэнэрскую працу ў «Арсэнале»^[8]. У сьнежні 2022 году пакінуў клюб поруч за галоўным трэнэрам Паўлам Кірыльчыкам^[9].

У студзені 2023 году далучыўся да трэнэрскага штабу барысаўскага БАТЭ^[10]. Застаўся памочнікам галоўнага трэнэра барысаўчанаў і пасьля прызначэньня ў студзені 2024 году на гэтую пасаду Ігара Крывушэнкі^[11]. У сьнежні 2023 году атрымаў трэнэрскую ліцэнзію катэгорыі Б^[12].

Дасягненьні

Дынама Менск

• Чэмпіён Беларусі: 2004
• Уладальнік Кубка Беларусі: 2003

Шахцёр Салігорск

• Срэбраны прызэр чэмпіянату Беларусі: 2012

Статыстыка

Клюб	Сэзон	Чэмпіянат
		Дывізіён	Матчы	Галы
Дынама Берасьце	2015	Найвышэйшая ліга	24	1
Гомель	2016	Першая ліга	23	0
	2017	Найвышэйшая ліга	19	0
	2018	Найвышэйшая ліга	23	1