Ілава (Менская вобласьць)

І́лава^[1] — вёска ў Мядзельскім раёне Менскай вобласьці Беларусі. Уваходзіць у склад Будслаўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ілава.

Ілава
трансьліт. Ilava
Краіна:	Беларусь
Вобласьць:	Менская
Раён:	Мядзельскі
Сельсавет:	Будслаўскі
Насельніцтва:	133 чал. (2009)
Часавы пас:	UTC+3
Тэлефонны код:	+375 1797
Паштовы індэкс:	222374
СААТА:	6240806031
Нумарны знак:	5
Геаграфічныя каардынаты:	54°49′41.99″ пн. ш. 27°27′16.99″ у. д.
Ілава на мапе Беларусі ± Ілава Ілава
Галерэя здымкаў у Вікісховішчы

Гісторыя

Упершыню згадваецца ў 1547 годзе як паселішча путных слуг маёнтку Ваўкалаты князя слуцкага Юрыя Алелькавіча, які скардзіўся, што ўраднік маёнтку Параф’янава Станіслаў Батагоўскі ўчыніў напад на дамы яго путных слуг, пабіў і параніў іх^[2].

У 1668 годзе фальварак Ашмянскага павету Віленскага ваяводзтва, шляхецкая ўласнасьць, у 1712 годзе фальварак. У 1885 годзе маёнтак Будслаўскай воласьці Вілейскага павету Віленскай губэрні з вінакурняй. У 1904 годзе ў маёнтку 41 жыхар, ва ўладаньні памешчыка Акушкі.

У 1921 годзе фальварак Будслаўскай гміны Дунілавіцкага, потым Вілейскага павета Віленскага ваяводства Польшчы.

З 12.10.1940 году ў Будслаўскім сельсавеце Крывіцкага раёну Вялейскай, з 20.09.1944 г. Маладэчанскай абласьцей, з 23.05.1952 г. да 27.03.1959 г. у Вераб’ёўскім сельсавеце^[3], з 20.01.1960 г. Менскай вобласьці, з 25.12.1962 г. у Мядзельскім раёне.

З 1948 года працуе спіртзавод. З 1965 года вёска ў складзе саўгасу «Будслаўскі» (цэнтр — вёска Будслаў).

Насельніцтва

• 1904 год — 41 жыхар
• 1931 год — 64 жыхары
• 1960 год — 231 жыхар
• 1997 год — 63 двары, 375 жыхароў
• 2009 год — 133 чалавекі^[4]