Агіла

Агіла (Агіль, Ягіл, Ягла, Якель, Акль) — мужчынскае імя.

Agilo
Паходжаньне
Мова(-ы)	германскія
Утворанае ад	Agi + суфікс з элемэнтам -л- (-l-)
Іншыя формы
Варыянт(ы)	Агіль, Ягіл, Ягла, Якель, Акль
Вытворныя формы	Ягайла, Окель, Эйкель
Зьвязаныя імёны	Рымагіл
Зьвязаныя артыкулы
якія пачынаюцца з «Аґіла»

Паходжаньне

Асноўны артыкул: Імёны ліцьвінаў

Агіла, Агіл або Якіла (Agilo, Agilus^[1], Jackilo^[2]) — імя германскага паходжаньня^[3][4]. Іменная аснова ег- (аг-, ек-) (імёны ліцьвінаў Ягвін, Ягінт, Ягоўд; германскія імёны Egwinus, Egind, Egold) паходзіць ад гоцкага agis 'страх' або agja 'вастрыё, меч'^[5].

Адпаведнасьць імя Ягіла (Яўгіла) германскаму імю Agil сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[6].

Імёны Агіл і Егіл гістарычна бытавалі ў Польшчы: Agilis (1382—1398 і 1455—1480 гады)^[7], Jegil (1381 год)^[8].

У Прусіі бытавала імя Jagil^[9]. У 1561 годзе ў Каралявецкім унівэрсытэце навучаўся Georgius Eckel, Bartensteinensis Prutenus, у 1635 годзе — Johannes Jeckel, Regiomontanus Borussus^[10].

Варыянты імя ў гістарычных крыніцах: земълю Якгловщину… чоловеки седели, на имя Якгло (26 сьнежня 1504 году)^[11]; люди… а Бутрыма Екгиловича (22 жніўня 1522 году)^[12]; Jan Jagiłł (20 кастрычніка 1655 год)^[13]; xiędza Pachomiusza Ohilewicza — zakonnika reguły świętego Bazylego, wikaryusza generalnego wszystkich monasterów… отцу Похомію Огилевичу — викарому енеральному всехъ монастыровъ (21 чэрвеня 1671 году)^[14]; ксендза Пахоміуса Огилевича — светое теологии доктора, закону светого Базилего викарого енерального… ugody podpisuię się: Pachomius Ohilewicz (13 чэрвеня 1673 году)^[15]; Parafia kobylnicka… Okieły (1784 год)^[16][a].

Носьбіты

• Агіла I († 554) — кароль вэстготаў
• Агіла II († каля 714) — кароль вэстготаў
• Пахом Агілевіч (Pacomio Ogilewicz) — заступнік Ордэну базылянаў у Рыме ў сярэдзіне XVII стагодзьдзя^[20][21]

Аклевічы (Aklewicz) гербу Агончык — літоўскі шляхецкі род з Троцкага павету^[22].

Якелевіч (Jakielewicz) — прозьвішча, зафіксаванае ў XIX стагодзьдзі ў ваколіцах Сувалкаў^[23].

У XVI ст. існавалі «грунты» Ягілішкі (Ягилишки) у Жамойцкім старостве^[24].

У гістарычнай Прусіі існуе вёска Агіля.

Заўвагі

1. Таксама:

   • Айль (адзначалася старажытнае германскае імя Ailo^[3]): Прокоп Оилевич (1 ліпеня 1542 году)^[17];
   • Акелер (адзначалася старажытнае германскае імя Agelhar, пазьнейшае Egeler^[18]): Joannes Okelerus, Lithuanus (1594 год)^[19]