Адыла

Адыла, Аціла, Аўдзіла — мужчынскае імя.

Odilo
Паходжаньне
Мова(-ы)	германскія
Утворанае ад	Odo + суфікс з элемэнтам -л- (-l-)
Іншыя формы
Варыянт(ы)	Аціла, Аўдзіла, Ятыла
Вытворныя формы	Гаціла, Ютэль
Зьвязаныя артыкулы
якія пачынаюцца з «Адыла»

Паходжаньне

Асноўны артыкул: Імёны ліцьвінаў

Аўдзіла, Адала, Адзіла або Аціла (Audilo, Odalo, Odilo, Otilo) — імя германскага паходжаньня^[1][2]. Іменная аснова аўд- (од-, от-) (імёны ліцьвінаў Отаўт, Атгін, Атмут; германскія імёны Ottolt, Otken, Otmot) паходзіць ад гоцкага audags 'шчасьце, асалода'^[3], германскага *auð 'багацьце, спор'^[4].

Варыянты імя ў гістарычных крыніцах: Пашко Овъдилович с своимъ потужникомъ служба суполная (да 1525 году)^[5]; у Крымиловичохъ знашолъ еси тры служъбы людеи, на имя Рымъка Кирмиловича, Нартовъта Ромишъковича, а брата его Екгаила, лечъ предки тых людей, Атило а Рымъко Кгирдевичи, купили были собе земълю у бояр Вилькомирскихъ (23 траўня 1539 году)^[6]; Свято-Вознесенского Борколабовского дивического монастыря игуменья Севастіанна Одолевичевна (3 сакавіка 1752 году)^[7].

Носьбіты

• Адыла (да 700—748) — герцаг Баварыі
• Адыла († паміж 812 і 820) — граф Жыроны
• Адыла фон Стабла († 954) — абат кляштару Стабла і Мальмэды
• Адыла Клюнійскі (991 або 992—1049) — абат кляштару Клюні, Сьвяты
• «Атэла ўдава» — жыхарка Жамойцкага староства, якая ўпамінаецца ў 1537—1538 гадох^[8]

На 1906 год існавала вёска Адалішкі ў Рэжыцкім павеце Віцебскай губэрні^[9].