Ютэль

Ютэль (Юдэль), Ятыла, Ядэла (Ёдэль) — мужчынскае імя і вытворнае ад яго прозьвішча.

Jutilo
Паходжаньне
Мова(-ы)	германскія
Утворанае ад	Juto + суфікс з элемэнтам -л- (-l-)
Іншыя формы
Варыянт(ы)	Юдэль, Ятыла, Ядэла, Ёдэль
Вытворныя формы	Адыла, Гаціла
Зьвязаныя артыкулы
якія пачынаюцца з «Ютэль»

Паходжаньне

Асноўны артыкул: Імёны ліцьвінаў

Юціла або Юдзіла, пазьней Юдэль (Jutilo, Judila, Judel^[1]) — імя германскага паходжаньня^[2]. Іменная аснова -ют- (-юд-, -ят-) (імёны ліцьвінаў Вілят, Даўят, Карыят; германскія імёны Wiliatus, Dowyatt, Cariatto) паходзіць ад гоцкага iuþa, старагерманскага joþ 'дзіцё, народзінец, нашчадак'^[3].

У Прусіі бытавала імя Юдэл (Ятэл): Jotell (1383 і 1398 гады)^[4], Judel (1419 год)^[4].

Варыянты імя ў гістарычных крыніцах: Ego quidem nobilis Voydzyvyl Jathylovycz Chonyevyęz (1486 год)^[5]; Juodel Judkun (20 лістапада 1604 году)^[6]; Bierciuk Jutelewic (26 лютага 1619 году)^[7]; Stanislaw Jodelewicz (6 ліпеня 1650 году)^[8]; Jutela (1671—1681 гады)^[9].

Носьбіты

• Юдэль Юдкун — селянін Упіцкай воласьці, які ўпамінаецца ў 1604 годзе
• Берцюк Ютэлевіч — геранёнскі мешчанін, які ўпамінаецца ў 1619 годзе
• Станіслаў Ёдэлевіч — сьвятаазёрскі мешчанін, які ўпамінаецца ў 1650 годзе

Юдэлі (Judel) — прыгонныя з ваколіцаў Майшаголы, якія ўпамінаюцца ў XIX стагодзьдзі^[10]

Ёдылі (Jodyl) — прыгонныя з ваколіцаў Малятаў, якія ўпамінаюцца ў XIX стагодзьдзі^[11]

Ядэлы (Jodeło, Jodełło) — прыгонныя з ваколіцаў Даўгелішкаў і Сьвянцянаў, якія ўпамінаюцца ў XIX стагодзьдзі^[12]