Гаціла

Гаціла, Гадзіла (Адзель) — мужчынскае імя і вытворнае ад яго прозьвішча.

Hetilo
Паходжаньне
Мова(-ы)	германскія
Утворанае ад	Hatho + суфікс з элемэнтам -л- (-l-)
Іншыя формы
Варыянт(ы)	Гадзіла, Адзель
Вытворныя формы	Адыла, Ютэль
Зьвязаныя артыкулы
якія пачынаюцца з «Гаціла»

Паходжаньне

Асноўны артыкул: Імёны ліцьвінаў

Гадала, Геціла, Адзіла або Адзела, пазьней Гатэль (Hadala, Hetilo, Adila^[1], Adela, Hattel^[2]) — імя германскага паходжаньня^[3]. Іменная аснова -гад- (-ад-, -ат-) (імёны ліцьвінаў Ядвіга, Гатман, Бернат; германскія імёны Hadwig, Hadoman, Bernat) паходзіць ад гоцкага *haþus^[4], германскага hathu 'бой'^[5].

У Польшчы адзначаецца прозьвішча Ядэла (Jadełło)^[6].

Варыянты імя ў гістарычных крыніцах: viginti homines tributarios… undecimus Hodzilo (1461 год)^[7]; а Годила Кохутевича… а Годила Митевича… а Годела Худиновича (5 ліпеня 1507 году)^[8]; на село з людми Годиловичи у Чичерску^[9], села з людми в Чичерскои волости на имя Годилович^[10] (22 верасьня 1511 году); светъковъ: Ивана Гатиловича, боярына пана старосты жомойтъского (травень 1536 году)^[11]; людей моихъ Данила Туровича а Куцука Гатиловича… Куцукъ Гатиловичъ (12 лістапада 1541 году)^[12]; подданые… Омелянъ, Семенъ, Иванъ Годиловичи (21 студзеня 1636 году)^[13]; Adzielewicz (1662—1690)^[14]; Hadziłuny (1744 год)^[15]; Wasyl Mikołaj Haciło (1814 год)^[16].

Носьбіты

• Гадзіла — адзін з даньнікаў, запісаных у 1461 годзе Андрэем Даўгердавічам касьцёлу ў Лынтупах
• Гадыла Кахуцевіч і Гадыла Худзіновіч — людзі Віленскага павету, якія ўпамінаюцца ў 1507 годзе
• Гадзілавічы — сяло зь людзьмі ў Чачэрскай воласьці, якія ўпамінаюцца ў 1511 годзе
• Алесь, Сьцяпан, Яська і Тэрэза Гадзілы — жыхары вёскі Сянежыцаў (Наваградзкае ваяводзтва), якія ўпамінаюцца ў 1726 годзе^[17]

На гістарычнай Рэчыччыне існуе вёска Гадзілавічы.