Алейка

Алейка, Алека — мужчынскае імя і вытворнае ад яго прозьвішча.

Allecke
Паходжаньне
Мова(-ы)	германскія
Утворанае ад	Alo + суфікс з элемэнтам -к- (-k-)
Іншыя формы
Варыянт(ы)	Алека
Зьвязаныя артыкулы
якія пачынаюцца з «Алейка»

Паходжаньне

Асноўны артыкул: Імёны ліцьвінаў

Аліка або Алека (Alico, Alika^[1], Aleka^[2], Allecke^[3], Aleke^[4][5]) — імя германскага паходжаньня^[6][7]. Іменная аснова ал- (імёны ліцьвінаў Алігут, Альмін, Аламунт; германскія імёны Algut, Almin, Alamunt) паходзіць ад гоцкага alls 'увесь, кожны'^[8].

У Прусіі бытавала імя Allicke^[9].

Германскае імя Aleke гістарычна бытавала ў Рызе^[10].

Варыянты імя ў гістарычных крыніцах: Дубровенъского путя слуги панъцырныи… Оносовых сыновъ тры — Данилко, Олеико, Трухонъ (каля 1492 году)^[11]; светковъ на имя Яковца Олейкоича, себра своего (9 верасьня 1540 году)^[12]; боярына ръшаньского Олейку Грыневича (29 сакавіка 1558 году)^[13]; Oleykowicz (1671—1681 гады)^[14]; Олекевичова Елисавета (2 лістапада 1853 году)^[15]; Olekiewicz Karol (15 сакавіка 1896 году)^[15]; Alekowicz (1909 год)^[16].

Носьбіты

• Антон Алякевіч (Антон Казимиров сын Олекевич) — зямянін Менскага павету, прадстаўлены ў 1863 годзе^[17]
• Антон Алякевіч (Антон Петров Олекевич) — шляхціч Менскай губэрні, прадстаўлены ў 1863 годзе^[17]

У канцы XVIII ст. на гістарычных Амсьціслаўшчыне і Аршаншчыне адзначаўся шляхецкі род Алекаў^[18].

Алькевічы (Alkiewicz) гербаў Яліта і Шалава — літоўскі шляхецкі род^[19].

Алякевічы гербу Леў — літоўскі шляхецкі род^[20].

На 1910 год існавала вёска Нікольск або Алейкі ў Чавускім павеце Магілёўскай губэрні^[21].