Александроў (Гомельская вобласьць)

Александро́ў^[1] — вёска ў Жлобінскім раёне Гомельскай вобласьці Беларусі. Уваходзіць у склад Салонскага сельсавету. Насельніцтва 20 чал. (2010). Знаходзіцца за 15 км на паўднёвы захад ад места Жлобін, за 1 км ад чыгуначнай станцыі Мормаль (лінія Жлобін — Каленкавічы), за 181 км ад Гомелю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Александроў.

Александроў
Першыя згадкі:	XIX ст.
Краіна:	Беларусь
Вобласьць:	Гомельская
Раён:	Жлобінскі
Сельсавет:	Салонскі
Насельніцтва:	20 чал. (2010)
Часавы пас:	UTC+3
Тэлефонны код:	+375 2334
СААТА:	3218864001
Нумарны знак:	3
Геаграфічныя каардынаты:	52°47′42″ пн. ш. 29°53′20″ у. д.
Александроў на мапе Беларусі ± Александроў Александроў
Галерэя здымкаў у Вікісховішчы

Гісторыя

Паводле пісьмовых крыніцаў вядомая з XIX стагодзьдзя. У 1909 годзе 324 дзесяціны зямлі, у Стрэшынскай воласьці Рагачоўскага павету Магілёўскай губэрні. У 1930 годзе жыхары ўступілі ў калгас. У часе нямецка-савецкай вайны ў чэрвені 1943 году гітлераўскія карнікі цалкам спалілі вёску і забілі 8 жыхароў. 19 жыхароў загінулі на франтах. У 1954 годзе да вёскі далучаны суседнія вёскі Гнілая Лужына і Залужжа. Паводле перапісу 1959 году ў складзе саўгасу «Ніва» (цэнтар — вёска Нівы).

Насельніцтва

• XIX стагодзьдзе: 1897 — 2 двары, 10 жыхароў (паводле перапісу)
• XX стагодзьдзе: 1909 — 15 двароў, 93 жыхары; 1925 — 36 двароў; 1940 — 45 двароў, 250 жыхароў; 1959 — 216 жыхароў (паводле перапісу); 1999 — 39 жыхароў
• XXI стагодзьдзе: 2004 — 20 гаспадарак, 29 жыхароў^[2]; 2010 — 20 жыхароў