Аляксандар Сазанкоў

Аляксандар Сазанкоў (нарадзіўся 18 сакавіка 1984 году) — беларускі футбаліст, нападнік клюбу «Касьцюковічы».

Аляксандар Сазанкоў
Пэрсанальная інфармацыя
Нарадзіўся	18 сакавіка 1984(1984-03-18)[1] (41 год) Магілёў, БССР, СССР[2]
Рост	181 см
Вага	78 кг[1]
Пазыцыя	нападнік
Клюбная інфармацыя
Клюб	Касьцюковічы[d]
Клюбы
Гады	Клюб	Гульні (галы)¹
2002—2009	Дняпро Магілёў	86 (22)
2010	Дынама Менск	22 (5)
2010—2012	Лехія Гданьск	10 (1)
2013—2017	Дняпро Магілёў	82 (13)
2017	Ворша	12 (1)
2018—2019	Горкі	19 (2)
2019	Ворша	6 (0)
2021—2022	Горкі	0 (0)
2023—4	Касьцюковічы[d]	2 (0)
Зборныя
2002	Беларусь (да 21)	2 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 траўня 2023.

Кар’ера

Клюбная

Выхаванец магілёўскага «Дняпра». Зь цягам часу стаў асноўным нападнікам каманды. У 2010 годзе гуляў за менскае «Дынама» (дзе таксама быў асноўным нападнікам). У верасьні 2010 году перайшоў у гданьскую «Лехію», але ня даў рады ў чэмпіянаце Польшчы праз траўмы і канфлікту з кіраўніцтвам клюбу. У выніку ў верасьні 2012 году скасаваў кантракт зь «Лехіяй». Тады ж вярнуўся ў магілёўскі «Дняпро», але праз судовыя працэсы зь «Лехіяй» здолеў зайграць за «Дняпро» толькі ў сэзоне 2013 году. Замацаваўся ў якасьці асноўнага цэнтральнага нападніка, але нярэдка яго замяняў Дзьмітры Коўб, але за ўвесь сэзон здолеў забіць толькі адзін гол.

Сэзон 2014 году пачаў выдатна — дубль Сазанкова ў браму «Гомлю» дазволіў магілёўскаму клюбу прабіцца ў паўфінал Кубка Беларусі. Але ў тым жа матчы ён атрымаў траўму, празь якую прапусьціў большую частку сэзону. Вярнуўся на поле ў жніўні 2014 году і замацаваўся на пазыцыі цэнтральнага нападніка, але ня здолеў выратаваць «Дняпро» ад вылету ў Першую лігу. У лютым 2015 году падоўжыў кантракт з камандай^[3]. У сэзоне 2015 году быў асноўным нападнікам клюбу ў Першай лізе, але значную колькасьць матчаў прапусьціў праз траўмы.

У лютым 2016 году зноў падоўжыў пагадненьне з магілёўцамі^[4]. У сэзоне 2016 году дапамог «Дняпру» вярнуцца ў Найвышэйшую лігу. Пачатак сэзону 2017 году прапусьціў праз траўмы, вярнуўся на поле толькі ў чэрвені. У ліпені 2017 году пакінуў магілёўскі клюб^[5]. У жніўні 2017 году далучыўся да «Воршы», за якую выступаў да сканчэньня сэзону 2017 году. У 2018—2019 гадах гуляў у складзе клюбу Другой лігі «Горкі». У жніўні 2019 году зноў стаў гульцом «Воршы»^[6], дзе гуляў да канца году, зрэдку выходзячы на замену ў канцы матчаў. У пачатку 2021 году зноў быў заяўлены за «Горкі», аднак на полі не зьяўляўся. З пачатку 2023 году далучыўся да «Касьцюковічаў».

Міжнародная

Выступаў за моладзевую зборную Беларусі.

Статыстыка

Клюб	Сэзон	Чэмпіянат
		Дывізіён	Матчы	Галы
Дняпро Магілёў	2015	Першая ліга	17	7
	2016	Першая ліга	24	4
	2017	Найвышэйшая ліга	3	0
Ворша		Першая ліга	12	1
Горкі	2018	Другая ліга	16	2