Ананічы (Менская вобласьць)

Ана́нічы^[1] — вёска ў Беларусі, каля ракі Сьвіслачы. Уваходзяць у склад Турынскага сельсавету Пухавіцкага раёну Менскай вобласьці. Знаходзяцца за 24 км на поўнач ад Мар’інай Горкі, за 14 км ад чыгуначнай станцыі Рудзенск.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ананічы.

Ананічы лац. Ananičy
Краіна:	Беларусь
Вобласьць:	Менская
Раён:	Пухавіцкі
Сельсавет:	Турынскі
Насельніцтва:	77 чал. (2009)
Часавы пас:	UTC+3
Тэлефонны код:	+375 1713
СААТА:	6244804001
Нумарны знак:	5
Геаграфічныя каардынаты:	53°38′1″ пн. ш. 28°7′13″ у. д.
Ананічы на мапе Беларусі ± Ананічы Ананічы

Гісторыя

Ананічы ўпамінаюцца ў 1879 годзе пры пераліку населеных пунктаў Турынскага праваслаўнага прыходу Ігуменскага павету Менскай губэрні. Паводле вынікаў перапісу 1897 году, у вёсцы было 66 двароў. На пачатку ХХ ст. у Кліноцкай воласьці Ігуменскага павету Менскай губэрні. На 1909 год у Ананічах было 68 двароў. На 1917 год урочышча, пазьней — вёска.

У Першую сусьветную вайну ў лютым — сьнежні 1918 году Ананічы занялі войскі Нямецкай імпэрыі.

25 сакавіка 1918 году згодна з Трэцяй Устаўной граматай Ананічы абвяшчаліся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яны ўвайшлі ў склад Беларускай ССР. У жніўні 1919 — ліпені 1920 вёска знаходзілася пад польскай уладай. У пачатку 1930-я годы савецкія ўлады стварылі калгас «Вызваленьне», працавала кузьня.

У Другую сусьветную вайну з чэрвеня 1941 году да пачатку ліпеня 1944 году Ананічы былі пад нямецкай акупацыяй.

На 2002 год у Ананічах было 58 двароў. Да 2013 году вёска ўваходзіла ў склад Ананіцкага сельсавету^[2].

Насельніцтва

• 1897 год — 427 чал.
• 1909 год — 460 чал.
• 2002 год — 115 чал.
• 2009 год — 77 чал.^[3]