Бакуны (Велікасельскі сельсавет)

Бакуны́^[3] — вёска ў Пружанскім раёне Берасьцейскай вобласьці. Уваходзіць у склад Велікасельскага сельсавету. Знаходзіцца за 21 км на паўночны захад ад Пружанаў, 32 км ад чыгуначнай станцыі Аранчыцы на лініі Баранавічы — Берасьце. Насельніцтва на 2012 год — 273 жыхары, 109 двароў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бакуны.

Бакуны
трансьліт. Bakuny
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Велікасельскі
Насельніцтва
колькасьць:	273 чал. (2012)[1]
колькасьць двароў:	109
Часавы пас:	UTC+3
Тэлефонны код:	+375 1632
Паштовы індэкс:	225164[2]
СААТА:	1256806006
Нумарны знак:	1
Геаграфічныя каардынаты:	52°40′11.4″ пн. ш. 24°17′16.1″ у. д.
Бакуны на мапе Беларусі ± Бакуны Бакуны
Галерэя здымкаў у Вікісховішчы

Назва

Паводле пружанскай гісторыка і краязнаўцы Веры Церахавай, назва вёскі паходзіць ад імя «Бакун» — размоўнага варыянту імя Абакум — па імі папа Абакума, галоўнага прыхільніка стараверства. У Бакунах пражывалі ягоныя пасьлядоўнікі^[4].

Мінуўшчына

За расейскім часам — вёска і маёнтак Клачкоўскіх у Велікасельскай воласьці Пружанскага павету Гарадзенскай губэрні^[5]. Паводле перапісу 1897 року 401 жыхар, 57 двароў, хлебазапасная крама, кузьня. На пачатку XX стагодзьдзя — 495 жыхароў.

За польскім часам — сьпярша ў гміне Котра^[6], а з 1 красавіка 1932 у гміне Сухопаль Пружанскага павету Палескага ваяводзтва^[7]. У 1921 — 218 жыхароў, 37 двароў.

Зь верасьня 1939 року ў складзе БССР, з 15 студзеня 1940 у Пружанскім раёне Берасьцейскай вобласьці. З 12 кастрычніка 1940 па 16 красавіка 1973 — цэнтар сельсавету.

Інфраструктура

Сярэдняя школа, клюб, бібліятэка, аддзяленьне сувязі.

Сельгасмайстэрні, фэльчарска-акушэрскі пункт, вэтпункт.

Насельніцтва

• XIX стагодзьдзе: 1897 год — 401 жыхар, 57 двароў
• XX стагодзьдзе: пачатак стагодзьдзя — 495 жыхароў; 1921 год — 218 жыхароў, 37 двароў; 1959 год — 527 жыхароў (перапіс); 1970 год — 439 жыхароў; 1999 год — 384 жыхары
• XXI стагодзьдзе: 2005 год — 310 жыхароў, 127 двароў^[8]; 2010 год — 261 жыхар; 2012 год — 273 жыхары, 109 двароў^[1]

Транспарт

Аўтамабільныя дарогі Н538 Ліхасельцы — Радзецк, Н552 Клятное — Бакуны, Н555 Мурава — Бакуны^[9].

Турыстычная інфармацыя

• Братэрская магіла 77 воінаў і партызанаў (1941—1944), мэмарыяльны комплекс (1968)