Баравыя (Мядзельскі раён)

Баравы́я^[1] — вёска ў Мядзельскім раёне Менскай вобласьці, уваходзіць у склад Кабыльніцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Баравыя.

Баравыя
трансьліт. Baravyja
Краіна:	Беларусь
Вобласьць:	Менская
Раён:	Мядзельскі
Сельсавет:	Кабыльніцкі
Насельніцтва:	216 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222401
СААТА:	6240833013
Нумарны знак:	5
Геаграфічныя каардынаты:	54°51′6.01″ пн. ш. 26°42′15.98″ у. д.
Баравыя на мапе Беларусі ± Баравыя Баравыя

Гісторыя

• 1868 год — зьяўлялася вёскай у складзе Занарачанскай воласьці Сьвянцянскага павету Віленскай губэрні. Налічвала 6 двароў і 76 жыхароў.
• 1904 год — насельніцтва вёскі складала 88 жыхароў.
• У 1935—1936 гадох вяскоўцы бралі ўдзел у Нарачанскім выступленьні рыбакоў.
• 12 кастрычніка 1940 году вёска ўвайшла ў склад Шэметаўскага сельсавету Сьвірскага раёну Вялейскай вобласьці (з 20 верасьня 1944 году — Маладэчанскай).
• 5 жніўня 1954 году вёска ўвайшла ў склад Сырмескага сельсавету, 31 жніўня 1959 году — у склад Мядзельскага раёну.
• 20 студзеня 1960 году вёска ўвайшла ў склад Менскай вобласьці.
• у 1960 годзе вёска налічвала 26 жыхароў.
• З 25 лютага 1971 году вёска знаходзіцца ў складзе Нарачанскага курортнага пасялковага савету.

Насельніцтва

• 2010 год — 216 жыхароў
• 1999 год — 14 жыхароў
• 1 студзеня 1997 году — 9 двароў, 16 жыхароў

Інфраструктура

На поўначы вёскі на беразе возера Нарач знаходзіцца здраўніца «Баравое» (адкрыты ў 1974 г.). На захад ад вёскі на беразе возера разьмяшчаецца дзіцячы лягер «Зубраня». У вёсцы працуюць кінаўстаноўкі, аддзяленьне сувязі, 2 крамы. Каля вёскі разьмешчаны пансіянат «Жураўлік».