Баяры (Пружанскі раён)

Бая́ры^[3] — вёска ў Беларусі, каля ракі Шчыбы. Уваходзяць у склад Зеляневіцкага сельсавету Пружанскага раёну Берасьцейскай вобласьці. Насельніцтва на 2012 год — 30 чалавек. Знаходзяцца за 56 км на паўночны ўсход ад Пружанаў, за 27 км ад чыгуначнай станцыі Ваўкавыск (лінія Баранавічы — Сьвіслач), каля аўтамабільнай дарогі Н521 Ружаны — Лыскаў — Дабучын^[4].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Баяры (неадназначнасьць).

Баяры лац. Bajary
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Зеляневіцкі
Вышыня:	191 м н. у. м.
Насельніцтва
колькасьць:	30 чал. (2012)[1]
колькасьць двароў:	21
Часавы пас:	UTC+3
Тэлефонны код:	+375 1632
Паштовы індэкс:	225157[2]
СААТА:	1256825006
Нумарны знак:	1
Геаграфічныя каардынаты:	52°52′2″ пн. ш. 24°43′20″ у. д.
Баяры на мапе Беларусі ± Баяры Баяры
Галерэя здымкаў у Вікісховішчы

Назва

Паводле пружанскай гісторыка і краязнаўцы Веры Церахавай, назва вёскі паходзіць ад былых насельнікаў — баяраў-землеўладальнікаў, вядомых з XIV да XIX стагодзьдзяў^[5].

Гісторыя

У XIX стагодзьдзі Апялянавічы ўваходзілі ў склад Баярскай воласьці Ваўкавыскага павету Гарадзенскай губэрні Расейскай імпэрыі, зь вёскай Янаўшчына 939 дзесяцін^[6].

25 сакавіка 1918 году згодна з Трэцяй Устаўной граматай Баяры абвяшчаліся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яны ўвайшлі ў склад Беларускай ССР^[7]. Згодна з Рыскай мірнай дамовай 1921 году Баяры апынуліся ў складзе міжваеннай Польскай Рэспублікі, у гміне Лыскаў Ваўкавыскага павету Беластоцкага ваяводзтва^[8].

У 1939 годзе Баяры ўвайшлі ў склад БССР, з 15 студзеня 1940 году ў Ружанскім, з 25 сьнежня 1962 году ў Пружанскім раёнах Берасьцейскай вобласьці (з 8 студзеня да 19 чэрвеня 1954 году — Гарадзенскай вобласьці).

На 2003 год у Баярах было 32 двары, на 2005 год — 32 двары, на 2012 год —21 двор.

Насельніцтва

• XX стагодзьдзе: 1959 год — 94 чал. (перапіс); 1970 год — 178 чал.; 1999 год — 66 чал.
• XXI стагодзьдзе: 2003 год — 56 чал.; 2005 год — 51 чал.^[9]; 2010 год — 31 чал.; 2012 год — 30 чал.^[1]