Берасьцяны Завод

Берасьцяны́ Заво́д^[1] (з 1969 году — Чапа́еўскі^[1][a]) — пасёлак у Беларусі, каля ракі Убарці. Уваходзіць у склад Буйнавіцкага сельсавету Лельчыцкага раёну Гомельскай вобласьці. Знаходзіцца за 7 км на поўдзень ад Буйнавічаў, за 25 км на паўночны ўсход ад раённага цэнтру Лельчыцаў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Чапаеўскі.

Берасьцяны Завод лац. Bieraściany Zavod
Першыя згадкі:	XX стагодзьдзе
Краіна:	Беларусь
Вобласьць:	Гомельская
Раён:	Лельчыцкі
Сельсавет:	Буйнавіцкі
Вышыня:	133 м н. у. м.
Насельніцтва:	22 чал. (2010)
Часавы пас:	UTC+3
Тэлефонны код:	+375 2356
СААТА:	3228804056
Нумарны знак:	3
Геаграфічныя каардынаты:	51°48′43″ пн. ш. 28°30′10″ у. д.
Берасьцяны Завод на мапе Беларусі ± Берасьцяны Завод Берасьцяны Завод

Гісторыя

Упершыню ўпамінаецца ў пачатку XX стагодзьдзя як хутары Берасьцяны Завод і Лазьнішча Буйнавіцкай воласьці Мазырскага павету Менскай губэрні.

25 сакавіка 1918 году згодна з Трэцяй Устаўной граматай Берасьцяны Завод абвяшчаўся часткай Беларускай Народнай Рэспублікі. 1 студзеня 1919 году згодна з пастановай І зьезду КП(б) Беларусі ён увайшоў у склад Беларускай ССР.

За часамі Другой сусьветнай вайны ў ліпені 1943 году нацысты спалілі ўвесь пасёлак і загубілі 12 жыхароў.

У 1969 годзе савецкія ўлады перайменавалі Берасьцяны Завод ў Чапаеўскі.

Насельніцтва

• XX стагодзьдзе: 1917 год — 16 двароў, 88 жыхароў; 1940 год — 45 двароў, 104 жыхары; 1998 год — 37 двароў, 93 жыхары; 1999 год — 85 жыхароў; 2000 год — 34 двары, 84 жыхары
• XXI стагодзьдзе: 2010 год — 22 жыхары

Інфраструктура

У Берасьцяным Заводзе працуюць малочна-таварная фэрма, клюб, бібліятэка, фэльчарска-акушэрскі пункт, пошта, крама. Дзее камунальнае сельскагаспадарчае прадпрыемства «Першамайск».

Заўвагі

1. Зьнішчэньне традыцыйнай гістарычнай тапаніміі — адзін з захадаў палітыкі гвалтоўнай русіфікацыі і дэнацыяналізацыі Беларусі (расейскага этнацыду беларусаў)