Бор (Навасёлкаўскі сельсавет)

Бор^[1] (таксама сустракаецца Бор-Навасёлкаўскі, Барава́я Слабада́, ж., Слабада́-Барава́я, ж.^[1]) — вёска ў Пухавіцкім раёне Менскай вобласьці Беларусі. Уваходзіць у склад Навасёлкаўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бор.

Бор
трансьліт. Bor
Былая назва:	Бор-Навасёлкаўскі, Барава́я Слабада́, ж., Слабада́-Барава́я, ж.
Краіна:	Беларусь
Вобласьць:	Менская
Раён:	Пухавіцкі
Сельсавет:	Навасёлкаўскі
Насельніцтва:	470 чал. (2009)
Часавы пас:	UTC+3
Тэлефонны код:	+375 1713
СААТА:	6244843006
Нумарны знак:	5
Геаграфічныя каардынаты:	53°31′3.0″ пн. ш. 28°0′35.2″ у. д.
Бор на мапе Беларусі ± Бор Бор
Галерэя здымкаў у Вікісховішчы

Знаходзіцца за 11 км ад чыгуначнай станцыі Пухавічы на лініі Менск—Асіповічы, каля ракі Цітаўка.

Гісторыя

У пачатку 20 стагодзьдзя вядома як вёска Баравая Слабада ў Навасёлкаўскай воласьці Ігуменскага павету Менскай губэрні.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

На пачатку 1930-х гадоў створаны калгас «Чырвоны Бор», працавала кузьня і ветраны млын.

З чэрвеня 1941 году да 4 ліпеня 1944 году вёска была пад нямецкай акупацыяй. Была спалена, загублена 235 жыхароў.

Насельніцтва

• 1970 год — 187 двароў, 704 жыхары
• 1995 год — 187 двароў, 532 жыхары
• 2002 год — 145 двароў, 475 жыхароў
• 2009 год — 470 чалавек^[2]

Асобы

• Раман Ляпіч (1906—1977) — беларускі крытык, перакладчык, выкладчык
• Валерый Бабук — беларускі спартовец, трэнэр
• Сяргей Семяняка (нар. 1975) — беларускі спартовец. Майстар спорту Беларусі, Майстар спорту Беларусі міжнароднага клясу