Брады (Берасьцейская вобласьць)

Брады́^[2] — вёска ў Пружанскім раёне Берасьцейскай вобласьці. Брады ўваходзяць у склад Шчарчоўскага сельсавету. Знаходзяцца за 35 км на паўднёвы захад ад Пружанаў, 45 км ад чыгуначнай станцыі Аранчыцы на лініі Баранавічы — Берасьце.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Брады.

Брады
трансьліт. Brady
Братэрская магіла (1941—1944)
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Шчарчоўскі
Вышыня:	167 м н. у. м.
Насельніцтва:	154 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225173[1]
СААТА:	1256889011
Нумарны знак:	1
Геаграфічныя каардынаты:	52°28′46″ пн. ш. 24°8′8″ у. д.
Брады на мапе Беларусі ± Брады Брады
Галерэя здымкаў у Вікісховішчы

Гісторыя

За расейскім часам — у Старуноўскай воласьці Пружанскага павету Гарадзенскай губэрні, 1283 дзесяціны^[3]. Паводле перапісу 1897 року 575 жыхароў, 74 двары, хлебазапасная крама, кузьня. На пачатку XX стагодзьдзя 592 жыхары.

За польскім часам — у гміне Гарадзечна Пружанскага павету Палескага ваяводзтва^[4]. У 1921 року 53 двары.

Зь верасьня 1939 року ў складзе БССР, з 12 кастрычніка 1940 у Шарашоўскім, з 17 сьнежня 1956 у Пружанскім раёнах Берасьцейскай вобласьці.

Насельніцтва

• XX стагодзьдзе: 1959 год — 537 жыхароў (перапіс); 1970 год — 436 жыхароў; 1999 год — 263 жыхары
• XXI стагодзьдзе: 2003 год — 232 жыхары, 107 гаспадарак; 2005 год — 233 жыхары, 101 двор^[5]; 2010 год — 154 жыхары

Інфраструктура

Базавая школа-сад, Дом культуры, фэльчарска-акушэрскі пункт, аддзяленьне сувязі, 2 крамы, комплексны прыёмны пункт бытавога абслугоўваньня, рамонтна-мэханічныя майстэрні.

Транспарт

Аўтадарогі Р98 «Абход тэрыторыі нацыянальнага парку „Белавеская пушча“» і Н565 Брады — Стойлы^[6].

Турыстычная інфармацыя

• Валун з адбіткам ступні, які мясцовы люд называе сьледам Божай Маці ці анёла^[7]. На абнесенай плотам тэрыторыі знаходзіцца таксама крыніца, ваду зь якой мясцовыя жыхары лічаць гаючай. Раней на паганскае сьвята Зелянец сюды адбываліся паломніцтвы^[8].
• Братэрская магіла (1941—1944)

Асобы

• Іван Хоміч — беларускі мастак^[9]