Вайдацішкі

Вайда́цішкі^[2] (таксама — Вайдаці́шкі^[2]) — вёска ў Беларусі, на канале Петрапольскім. Уваходзіць у склад Варнянскага сельсавету Астравецкага раёну Гарадзенскай вобласьці.

Вайдацішкі лац. Vajdaciški
Краіна:	Беларусь
Вобласьць:	Гарадзенская
Раён:	Астравецкі
Сельсавет:	Варнянскі
Насельніцтва:	13 чал. (2009)[1]
Часавы пас:	UTC+3
Тэлефонны код:	+375 1591
СААТА:	4246804043
Нумарны знак:	4
Геаграфічныя каардынаты:	54°47′45″ пн. ш. 25°48′6″ у. д.
Вайдацішкі на мапе Беларусі ± Вайдацішкі Вайдацішкі

Назва

Асноўны артыкул: Войдат (імя)

Паводле францускага лінгвіста-германіста Раймонда Шмітляйна, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў, імя Войдат ёсьць вытворным ад германскага імя Waido, засьведчанага ў XI стагодзьдзі^[3]. Паводле менскага дасьледніка Алёхны Дайліды, які разьвівае германскую (перадусім усходнегерманскую) этымалёгію імёнаў літоўскіх князёў і баяраў, імя Войдат складаецца з фармантаў -войд-, які паходзіць ад гоцкага waida 'поле, паша', і -ят-, які паходзіць ад гоцкага iuþa, старагерманскага joþ 'дзіцё, нарадзінец, нашчадак'^[4]. Такім парадкам, імя Войдат азначае «дзіця поля»^[5]. Імя Woydath адзначалася ў Польшчы ў 1423 годзе^[6].

Яшчэ этнограф і мовазнаўца Яўхім Карскі зьвяртаў увагу на тое, што ў латыскай Курляндыі, «большасьць беларускіх населеных месцаў заканчваюцца на -ішкі»^[7], пазьней у рэчышчы палітыкі летувізацыі падобныя тапонімы на -ішкі азначылі як «гістарычна балтыйскія» і нават «тыпова летувіскія»^[8]. Тым часам менскі дасьледнік Алёхна Дайліда зазначае, што «ва ўсходнегерманскіх мовах быў пашыраны суфікс -isk-: такім парадкам, так менаваная «лінія Сафарэвіча» (мяжа перавагі паселішчаў з назовамі на -ішкі ў Панямоньні) не абавязкова зьнітаваная з балтамі»^[9].

Гісторыя

26 лютага 2013 году Вайдацішкі перадалі зь ліквідаванага Трокеніцкага ў Варнянскі сельсавет^[10].

Насельніцтва

• 1999 год — 23 чалавекі
• 2009 год — 13 чалавек^[1]