Варна (імя)

Варна — мужчынскае імя і вытворнае ад яго прозьвішча.

Warno
Паходжаньне
Мова(-ы)	германскія
Іншыя формы
Зьвязаныя імёны	Варнела, Вярнат
Зьвязаныя артыкулы
якія пачынаюцца з «Варна»

Паходжаньне

Асноўны артыкул: Імёны ліцьвінаў

Варна або Верна, пазьней Вёрн (Warno, Werno, Wörn) — імя германскага паходжаньня^[1]. Іменная аснова -варн- паходзіць ад стараверхненямецкага warnōn 'сьцерагчыся'^[2] або ёсьць пашыранай суфіксам -н- (-n-) асновай -вер- (-вар-)^[3]. Сярод ліцьвінаў бытавалі імёны Варнела, Вярнат. Адзначаліся германскія імёны Warinela, Warnad.

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Wierno, Warnko (Warnek, Wiernko), Warnasz (Wiernisz, Wiernusz), Warner (Werner, Wernar), Wernard (Wernhard)^[2].

У 1622 годзе ў Каралявецкім унівэрсытэце навучаўся Johannes Werner, Drenckfurtensis Borussus, у 1636 годзе — Jacobus Werner, Bartensteinensis Borussus… Georgius Werner, Bubainensis Borussus, у 1640 годзе — Cristophorus Werner, Fridlandensis Borussus, у 1648 годзе — Fridericus Werner, Tapiawiensis Borussus^[4].

Германскае імя Werneke бытавала ў XV ст. у Рызе^[5].

Варыянты імя ў гістарычных крыніцах: местечъку Вилъкииском… домъ Станисълава Ворновича… десяты домъ Яна Ворновича, одинадцаты дом Станюля Ворновича (18 траўня 1596 году)^[6]; cum Zophia Warniowa ambo de Dowszczkiany (1703 год)^[7]; Warniszki (1744 год)^[8]; Francisco Warna de Markuny (7 лістапада 1790 году)^[9][a].

Носьбіты

Варны (Warna) — прыгонныя зь вёсак Гіруцяў, Янова, Пелякі і Зялёнкаў (каля Лынтупаў) і ваколіцаў Сьвянцянаў, якія ўпамінаюцца ў XIX стагодзьдзі^[12].

Варны (Warno) — прыгонныя з ваколіцаў Сьвянцянаў, якія ўпамінаюцца ў XIX стагодзьдзі^[13].

На гістарычнай Віленшчыне існуюць вёскі Варні і Варняны, у гістарычнай Прусіі — Варнэн і Варніны.

Заўвагі

1. Таксама:

   • Вэрнэр (адзначалася старажытнае германскае імя Werner^[10]): Katarzyna Werner (1799 год)^[11]