Вераб’і (Менская вобласьць)

Вераб’і́^[1] — вёска ў Мядзельскім раёне Менскай вобласьці Беларусі. Уваходзіць у склад Крывіцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Вераб’і (неадназначнасьць).

Вераб’і лац. Vierabji
Краіна:	Беларусь
Вобласьць:	Менская
Раён:	Мядзельскі
Сельсавет:	Крывіцкі
Насельніцтва:	112 чал. (2009)
Часавы пас:	UTC+3
Тэлефонны код:	+375 1797
Паштовы індэкс:	222376
СААТА:	6240857009
Нумарны знак:	5
Геаграфічныя каардынаты:	54°48′38″ пн. ш. 27°22′2″ у. д.
Вераб’і на мапе Беларусі ± Вераб’і Вераб’і

Гісторыя

У 1848 годзе вёска аднайменнага фальварку маёнтку Будслаў Вялейскага павету Віленскай губэрні, валоданне памешчыка І. І. Аскеркі, 6 двароў, 58 жыхароў. Фальварак меў 7 дваровых сялян, дом аканома, гумно, жывёльны двор, стайню. У 1868 годзе існавалі 2 вёскі (49 і 69 жыхароў) і фальварак (21 жыхар). У 1904 годзе на месцы сучаснай вёскі былі прыватны фальварак (16 жыхароў) і вёска (217 жыхароў) у складзе Будслаўскай воласьці Вялейскага павету Віленскай губэрні.

У 1921 годзе вёска Будслаўскай гміны Вялейскага павету Віленскага ваяводзтва. У вёсцы было 55 двароў, 257 жыхароў; у сядзібе — 3 двары, 33 жыхары.

З 12 кастрычніка 1940 году вёска — цэнтар Вераб’ёўскага сельсавету Крывіцкага раёну Вялейскай, з 20 верасьня 1944 году Маладэчанскай абласьцей, з 27 сакавіка 1959 году ў Пузырскім сельсавеце^[2], з 20 студзеня 1960 году у Менскай вобласьці, з 25 сьнежня 1962 году ў Мядзельскім раёне.

У сьнежні 1949 годзе жыхары вёскі былі запісаныя ў калгас «Маладая гвардыя», да 06.02.1975 г. вёска — цэнтар узбуйненага калгасу з той жа назвай. З 1975 году — калгасу «Бальшавік» (цэнтар — вёска Пузыры).

Да 30 кастрычніка 2009 году вёска ўваходзіла ў склад Пузыроўскага сельсавету^[3].

Насельніцтва

• 1960 год — 259 жыхароў
• 1997 год — 72 двары, 135 жыхароў
• 2009 год — 112 чалавек^[4]