Вяжное

Вяжно́е^[2] (таксама — Ве́жнае^[3]) — хутар у Пружанскім раёне Берасьцейскай вобласьці. Вяжное ўваходзіць у склад Шчарчоўскага сельсавету. Знаходзіцца за 32 км на паўночны захад ад Пружанаў, 40 км ад чыгуначнай станцыі Аранчыцы на лініі Баранавічы — Берасьце.

Вяжное
трансьліт. Viažnoje
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Шчарчоўскі
Насельніцтва:	▼1 чал. (2009)[1]
Часавы пас:	UTC+3
Тэлефонны код:	+375 1632
Паштовы індэкс:	225173
СААТА:	1256889016
Нумарны знак:	1
Геаграфічныя каардынаты:	52°24′18″ пн. ш. 24°5′20″ у. д.
Вяжное на мапе Беларусі ± Вяжное Вяжное
Галерэя здымкаў у Вікісховішчы

Геаграфія

Знаходзіцца за 5 км на поўнач ад шашы Р85, між вёскамі Блажкі, Гурыны і Дымнікі.

Паўз хутар працякае рэчка Кубанька.

Мінуўшчына

За расейскім часам — пагост у Гарадзечанскай воласьці Пружанскага павету Гарадзенскай губэрні. Тут існавалі народная вучэльня, праваслаўная царква, вятрак, піцейны дом.

За польскім часам — у гміне Гарадзечна Пружанскага павету Палескага ваяводзтва^[4].

Зь верасьня 1939 року ў складзе БССР. З 12 кастрычніка 1940 — у Шарашоўскім, з 17 сьнежня 1956 — у Пружанскім раёнах Берасьцейскай вобласьці.

Насельніцтва

Царква Сьвятога Мікалая

• XIX стагодзьдзе: 1897 год — 14 жыхароў, 2 двары (перапіс)
• XX стагодзьдзе: пачатак стагодзьдзя — 50 жыхароў; 1978 год — 4 дамы, 7 жыхароў
• XXI стагодзьдзе: 2003 год — 85 жыхароў, 40 двароў; 2009 год — 1 чалавек^[5].

У другой палове 2000-х^[6] быў збудаваны праваслаўны жаночы скіт^[7]. З 2008 тут шторок ладзяцца моладзевыя сэмінары Берасьцейскае япархіі.

Транспарт

Каля вёскі праходзіць аб’езная дарога вакол Белавескай пушчы.

Турыстычная інфармацыя

• Царква Сьвятога Мікалая (1771) — гісторыка-культурная каштоўнасьць Рэспублікі Беларусь
• Крыніца з купельлю (адміністрацыйна належыць да Камянецкага раёну)^[8].