Вісігерд

Вісігерд, Візігерд — літоўскі баярын. На Гарадзельскай уніі прыняў герб «Адравонж».

Вісігерд
лац. Visigierd / Visihierd

Герб «Адравонж»
Асабістыя зьвесткі
Род	Храптовічы
Дзеці	Давойна Вісігердавіч (?)

Магчыма, меў уладаньні каля Салечнікаў (у крыжацкім помніку «Паведамленьні аб літоўскіх дарогах» упамінаецца Wissigirdendorff)^[1].

Імя

Асноўны артыкул: Вісігерд (імя)

Вісігард або Вісгерд (Wisigard, Wisgeard^[2]) — імя германскага паходжаньня^[3][4]. Іменная аснова -віс- (-віз-, -веш-) (імёны ліцьвінаў Вісбар, Вісімунт, Вішымут; германскія імёны Wisbar, Wisemund, Vismuot) паходзіць ад гоцкага wis 'мудры, абазнаны', а аснова -гард- (-герд-, -герт-) (імёны ліцьвінаў Альгерд, Мундыгерд, Тэўтыгерд; германскія імёны Algardus, Mundgerd, Teutgerdis) — ад гоцкага gairdan 'падпяразваць' (пераноснае 'ахоўваць'), garda 'агароджа' (пераноснае 'ахова, бясьпека')^[5]. Такім парадкам, імя Вісігерд азначае «ахова мудрасьці»^[4].

Варыянты імя ў гістарычных крыніцах: cum Wyssegerd^[6], Wissegerd^[7], Wyssegerd^[8] (2 кастрычніка 1413 году).

Біяграфія

Зь літоўскага баярскага роду. Упамінаецца толькі ў акце Гарадзельскай уніі (1413 год). Магчыма, меў сына Давойну Вісігердавіча^[9], які ўпамінаецца толькі ва ўмове з Польшчай ад 1401 году^[10].