Галоўчыцы (Камянецкі раён)

Гало́ўчыцы^[2] — вёска ў Камянецкім раёне Берасьцейскай вобласьці, уваходзіць у Дзьмітравіцкі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Галоўчыцы.

Галоўчыцы
трансьліт. Haloŭčycy
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Дзьмітравіцкі
Насельніцтва:	97 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225065[1]
СААТА:	1240820041
Нумарны знак:	1
Геаграфічныя каардынаты:	52°27′59″ пн. ш. 23°41′37″ у. д.
Галоўчыцы на мапе Беларусі ± Галоўчыцы Галоўчыцы

Галоўчыцы месьцяцца за 11 км на паўночны захад ад Камянцу, за 51 км на поўнач ад Берасьця, за 24 км на паўночны ўсход ад чыгуначнай станцыі Высока-Літоўск на лініі Берасьце — Беласток.

Гісторыя

• сярэдзіна XIX стагодзьдзя: маёнтак і вёска ў Берасьцейскім павеце Гарадзенскай губэрні Расейскай імпэрыі, уладаньне Янішэўскага.
• 1857: паводле 10-й рэвізіі 75 рэвіскіх душ.
• 2-я палова XIX стагодзьдзя: вёска і маёнткі ў Войскай воласьці таго ж павету.
• 1890: у вёсцы больш за 153 дзесяціны зямлі, маёнткі Івана Магільніцкага (больш за 100 дзесяцінаў зямлі) і Сьцяпана Нічыпарука (больш за 80 дзесяцінаў зямлі).
• 1897: паводле перапісу ў вёсцы 25 двароў, 170 жыхароў. У аднайменным маёнтку дзейнічалі школа граматы, хлебазапасная крама, 2 кузьні.
• 1905: у вёсцы — 199 жыхароў, у маёнтку — 11 жыхароў.
• 1921: у выніку польска-савецкай вайны па Рыскай мірнай дамове ў складзе Польшчы, вёска і фальварак у Войскай гміне Берасьцейскага павету Палескага ваяводзтва.
• 1923: разам у вёсцы і фальварку 19 двароў, 96 жыхароў.
• 1928: у Дзьмітравіцкай гміне таго ж павету.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: вёска ў Агародніцкім сельсавеце Камянецкага раёну Берасьцейскай вобласьці.
• 1941—1945: цягам Другой сусьветнай вайны на франтах загінулі 6 жыхароў вёскі.
• 1948: у пачатковай школе 41 вучань.
• 1949: у вёсцы арганізаваны калгас «Франтавік».
• 1951: у калгасе «Новы шлях».
• 1962: у саўгасе «Белавескі» (у 1982 годзе перайменаваны ў «Першамайскі», у 1991 годзе рэарганізаваны ў калгас).
• 1964: у Дзьмітравіцкім сельсавеце Камянецкага раёну.

Насельніцтва

• XX стагодзьдзе: 1960 год — 141 жыхар; 1970 год — 188 жыхароў; 1999 год — 123 жыхары
• XXI стагодзьдзе: 2005 год — 123 жыхары, 52 двары^[3]; 2010 год — 97 жыхароў

Інфраструктура

У складзе СВК «Хадасы». У вёсцы дзейнічаюць дом сацыяльных паслуг і бібліятэка.