Гарбачэва

Гарбачэ́ва^[1] — вёска ў Беларусі, на паўночным беразе возера Нешчарды. Цэнтар сельсавету Расонскага раёну Віцебскай вобласьці. Насельніцтва на 2010 год — 287 чалавек. Знаходзіцца за 18 км на паўночны ўсход ад Расонаў, за 44 км ад чыгуначнай станцыі Алешча.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Гарбачэва (неадназначнасьць).

Гарбачэва лац. Harbačeva
Краіна:	Беларусь
Вобласьць:	Віцебская
Раён:	Расонскі
Сельсавет:	Гарбачэўскі
Насельніцтва:	287 чал. (2010)
Часавы пас:	UTC+3
Тэлефонны код:	+375 2159
Паштовы індэкс:	211471
СААТА:	2242807021
Нумарны знак:	2
Геаграфічныя каардынаты:	55°57′36″ пн. ш. 29°3′6″ у. д.
Гарбачэва на мапе Беларусі ± Гарбачэва Гарбачэва
Галерэя здымкаў у Вікісховішчы

Гарбачэва — даўняе мястэчка гістарычнай Полаччыны.

Гісторыя

Вялікае Княства Літоўскае

Габчачэва здаўна знаходзілася ў валоданьні Полацкага езуіцкага калегіюму, яно ўваходзіла ў склад Полацкага ваяводзтва.

Пад уладай Расейскай імпэрыі

Касьцёл Сьвятога Язэпа

У выніку першага падзелу Рэчы Паспалітай (1772 год) Гарбачэва апынулася ў складзе Расейскай імпэрыі, у Полацкім павеце Віцебскай губэрні. У 1800 годзе айцы-езуіты збудавалі тут касьцёл Сьвятога Язэпа. У 1877 годзе на месцы старога будынка касьцёла ўзьвялі новы^[2].

У 1897 годзе расейскія ўлады збудавалі ў Гарбачэве царкву Ўрадавага сыноду Расейскай імпэрыі (Маскоўскай царквы).

Найноўшы час

25 сакавіка 1918 году згодна з Трэцяй Устаўной граматай Гарбачэва абвяшчалася часткай Беларускай Народнай Рэспублікі. 1 студзеня 1919 году згодна з пастановай І зьезду КП(б) Беларусі яно ўвайшла ў склад Беларускай ССР, аднак 16 студзеня Масква адабрала мястэчка разам зь іншымі этнічна беларускімі тэрыторыямі ў склад РСФСР. У 1924 годзе Гарбачэва вярнулі БССР, дзе яно стала цэнтрам сельсавету. За савецкім часам бальшавікі зруйнавалі тутэйшы касьцёл.

На 1996 год у Гарбачэве было 160 двароў. 9 лістапада 1996 году ў вёсцы прайшлі першыя Літаратурна-краязнаўчыя чытаньні творчасьці Яна Баршчэўскага. 13 лістапада 2005 году камень з тутэйшага касьцёла ўмуравалі ў сьцяну новай каталіцкай сьвятыні ў Расонах. У 2000-я гады Гарбачэва атрымала афіцыйны статус «аграгарадку».

Насельніцтва

Дэмаграфія

• XX стагодзьдзе: 1996 год — 464 чал.^[3]; 1999 год — 395 чал.
• XXI стагодзьдзе: 2010 год — 287 чал.

Інфраструктура

У Гарбачэве працуюць сярэдняя школа, дом культуры, бібліятэка, пошта.

Турыстычная інфармацыя

Страчаная спадчына

• Касьцёл Сьвятога Язэпа (XIX ст.)
• Царква Сьвятых Барыса і Глеба (1897)