Гардзіна (імя)

Гардзіна, Гардына — мужчынскае імя і вытворнае ад яго прозьвішча.

Hardin
Паходжаньне
Мова(-ы)	германскія
Утворанае ад	Hardt + суфікс з элемэнтам -н- (-n-)
Іншыя формы
Варыянт(ы)	Гардына
Зьвязаныя артыкулы
якія пачынаюцца з «Гардзіна»

Паходжаньне

Асноўны артыкул: Імёны ліцьвінаў

Гардзін, пазьней Гердэн (Hardin^[1], Herden) — імя германскага паходжаньня^[2]. Іменная аснова -гард- (-гарт-, -арт-) (імёны ліцьвінаў Бэйнарт, Ленарт, Мэйнарт; германскія імёны Beynart, Lenhardt, Meinhart) паходзіць ад гоцкага hardus 'моцны, цьвёрды'^[3][4].

Варыянты імя ў гістарычных крыніцах: panju Jakubowuju Hordyninuju Filicyju… panu Jakubu Koribanowiczu Hordyne (4 траўня 1470 году)^[5]; наместникъ Мозырски… Гордына (каля 1517 году)^[6]; Hardina Małosowicz (2 траўня 1558 году)^[7]; за Горъдыною (жнівень 1563 году)^[8]; подле земль спольныхъ Гаръдинаныхъ (5 студзеня 1566 году)^[9]; Юръи Якубовичъ Гардына (1567 год)^[10].

Носьбіты

• Гардына — дзяржаўны дзяяч Вялікага Княства Літоўскага, намесьнік мазырскі ў 1517 годзе
• Юры Якубавіч Гардына — ашмянскі баярын, які ўпамінаецца ў попісе войска ВКЛ 1567 году
• Самуэль Гардына (Samuel Hordyna) — дзяржаўны дзяяч Вялікага Княства Літоўскага, падстолі мазырскі, электар каралёў польскіх і вялікіх князёў літоўскіх Уладзіслава Вазы і Міхала Карыбута Вішнявецкага ад Менскага і Наваградзкага ваяводзтваў Вялікага Княства Літоўскага^[11]
• Дамінік Гардына — дзяржаўны дзяяч Вялікага Княства Літоўскага, абозны амсьціслаўскі ў 1788 годзе^[12]
• Рафал Гардына — дзяржаўны дзяяч Вялікага Княства Літоўскага, чашнік амсьціслаўскі ў 1788 годзе^[13]