Геймант

Геймант, Гаймант (Гаймунт) — мужчынскае імя і вытворнае ад яго прозьвішча.

Haimund
Паходжаньне
Мова(-ы)	германскія
Утворанае ад	Haimo + Mund
Іншыя формы
Варыянт(ы)	Гаймунт, Гаймант
Зьвязаныя артыкулы
якія пачынаюцца з «Геймант»

Паходжаньне

Асноўны артыкул: Імёны ліцьвінаў

Гаймунд (Haimund) — імя германскага паходжаньня^[1]. Іменная аснова гайм- (гейм-) (імёны ліцьвінаў Гейман, Індрых; германскія імёны Heyman, Hindrich) паходзіць ад германскага haima, haimi 'айчына, месца жыхарства'^[2], а аснова -мунд- (-мунт-, -монт-) (імёны ліцьвінаў Монтгерд, Валімонт, Жыгімонт; германскія імёны Mundgerd, Walmont, Sigimunt) — ад германскага *mundô 'рука, абарона, крэўнасьць'^[3] або гоцкага munds 'моц розуму, імкненьне', mundrs 'гарлівы, палкі'^[4].

Германскі характар літоўскіх імёнаў з асновай -монт- (-мант-) — як і запазычаньне самой асновы з германскіх моваў — сьцьвердзілі францускі лінгвіст-германіст Раймонд Шмітляйн^[5] і амэрыканскі лінгвіст Альфрэд Зэн^[6].

Варыянты імя ў гістарычных крыніцах: Andreas Haymontowicz (1604 год)^[7]; gratulationes a studiosa iuventute Academiae Vilnensis Societatis Jesu… poésies latines de… Andreas Haymuntowicz (1609 год)^[8].

Носьбіты

Гейманты (Hejmont) — літоўскі шляхецкі род з ваколіцаў Сьвянцянаў^[9].