Геркін

Геркін (Гіргін, Кіркін) — мужчынскае імя і вытворнае ад яго прозьвішча.

Gerken
Паходжаньне
Мова(-ы)	германскія
Утворанае ад	Gero + Ginn Gero + суфікс -кін (-kin)
Іншыя формы
Варыянт(ы)	Гіргін, Кіркін
Зьвязаныя артыкулы
якія пачынаюцца з «Ґеркін»

Паходжаньне

Асноўны артыкул: Імёны ліцьвінаў

Геркен, Геркін або Гергін (Gerken, Gehrken, Gerkinus^[1], Gergin^[2]) — імя германскага паходжаньня^[3]. Іменная аснова -гер- (-гар-, -гір-) (імёны ліцьвінаў Гералт, Гермонт, Бутгер; германскія імёны Gerolt, Geromont, Butger) паходзіць ад стараісьляндзкага geirr, стараверхненямецкага gēr 'дзіда'^[4], а аснова -гін- (-ген-, -кін-) (імёны ліцьвінаў Гендрута, Кімунд, Менгін; германскія імёны Genedrudis, Ginmund, Mennigen) — ад гоцкага gin- 'пачатак'^[5] (гоцкае *ginnan, германскае *gennan 'пачынаць'^[6]). Апроч таго, у германскіх імёнах адзначаецца суфікс-пашыральнік -кін (-кен)^[7].

Паходжаньне літоўскага імя Геркін (Gerkinus) ад германскага імя Gerken сьцьвярджае этымалягічны слоўнік старапольскіх асабовых імёнаў, выдадзены Польскай акадэміяй навук^[8].

У Прусіі бытавала імя Геркін: Gerkin (1326 год)^[9]. Апроч таго, у Прусіі шырока бытавала прозьвішча Gergin^[10].

Варыянты імя ў гістарычных крыніцах: Civitatem nostram in Alta Ripa… Gerkino de Auro… jure Theutonico locandam contulimus (1250 год)^[11]; Gergen (1678 год)^[12]; Annastasia Girginiowa de Baybaki (1697 год)^[13]; Jerzy Kirkin… Michał Kirkin (17 ліпеня 1733 году)^[14].

Носьбіты

Кіркіны (Kirkin) — літоўскі шляхецкі род зь Берасьцейскага павету^[15].

Глядзіце таксама

• Гера
• Гін