Германава Слабада

Ге́рманава Слабада́ (з 1929 году — Чырво́ная Слабада́^{[2][3][4][5][6][7][8][9][10][11][12]}, з 1998 году — Кра́сная Слабада́^[2][4]) — вёска ў Рудабельскім раёне Гомельскай вобласьці Беларусі. Германава Слабада ўваходзіць у склад і зьяўляецца цэнтрам Германаваслабадзкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Слабада (неадназначнасьць), Чырвоная Слабада (неадназначнасьць).

Германава Слабада
трансьліт. Hiermanava Slabada
Першыя згадкі:	XX стагодзьдзе
Краіна:	Беларусь
Вобласьць:	Гомельская
Раён:	Рудабельскі
Сельсавет:	Германаваслабадзкі
Насельніцтва
колькасьць:	634 чал. (2011)[1]
колькасьць двароў:	260
Часавы пас:	UTC+3
Тэлефонны код:	+375 2357
Паштовы індэкс:	247321
СААТА:	3240832046
Нумарны знак:	3
Геаграфічныя каардынаты:	52°32′55″ пн. ш. 28°34′16″ у. д.
Германава Слабада на мапе Беларусі ± Германава Слабада Германава Слабада
Галерэя здымкаў у Вікісховішчы

Назва

Назва Германава Слабада пайшла ад імя мясцовага абшарніка. У 1929 годзе вёска перайменаваная ў Чырвоную Слабаду, а 5 траўня 1998 году — Красную Слабаду.

Гісторыя

Выяўленыя і дасьледаваныя археолягамі курганы, што былі побач зь вёскай, сьведчаць пра засяленьне гэтых месцаў з даўніх часоў.

Па пісьмовых крыніцах вядомая з пачатку XX стагодзьдзя, калі перасяленцы з суседніх вёсак заснавалі тут новае паселішча. Значна пашырыліся памеры вёскі ў 1920-я гады. З 1924 году цэнтар Германаваслабадзкага сельсавету Глускага, затым — Капаткевіцкага раёнаў Бабруйскай акругі. У 1930 годзе арганізаваны калгас. З 28 чэрвеня 1939 году ў складзе Рудабельскага, з 25 сьнежня 1962 году — Шацілавіцкага, з 30 ліпеня 1966 году — адноўленага Рудабельскага раёнаў Палескай, з 20 верасьня 1944 году — Бабруйскай, з 8 студзеня 1954 году Гомельскай абласьцей. Пачатковая школа ў 1930-я гады ператворана ў сямігадовую. Падчас Нямецка-савецкай вайны ў красавіку 1942 году нямецкія акупанты спалілі 10 двароў і забілі 14 жыхароў. 76 жыхароў загінулі на фронце.

Да 1998 году ў склад Германаваслабадзкага сельсавету ўваходзіла вёска Зьвесьніца (у наш час не існуе).

Геаграфія

Разьмяшчэньне

За 25 км на паўднёвы захад ад гарадзкога пасёлку Рудабелка, 232 км ад Гомелю, 25 км ад чыгуначнай станцыі Рабкор, разьмешчанай на чыгунцы Бабруйск — Рабкор, адгалінаваньні лініі Асіпавічы — Жлобін.

Гідраграфія

На рацэ Арэсе (прыток Пцічы).

Экалёгія і прырода

На поўначы мяжуе зь лесам.

Транспартная сетка

Транспартныя сувязі па аўтамабільнай дарозе Рудабелка — Капцэвічы.

Інфармацыя

Пляніроўка складаецца з доўгай, выгнутай шыротнай вуліцы (уздоўж ракі), да якой з поўначы далучаюцца 3 злучаныя паміж сабой кароткія вуліцы. Забудова двухбаковая, драўляная, сядзібнага тыпу. У 1986 годзе пабудавана 55 мураваных будынкаў, у якіх разьмясьціліся перасяленцы з забруджаных радыяцыяй у выніку катастрофы на Чарнобыльскай АЭС месцаў. Цэнтар КСУП «Чырвонаслабадзкое», малочнатаварная і сьвінагадоўчая фэрмы, мехдвор. Сярэдняя школа, дзіцячы сад, Дом народнай творчасьці, бібліятэка, амбуляторыя, лазьнева-пральны камбінат, аддзяленьне сувязі, лясьніцтва, комплексны прыёмны пункт, гандлёвы цэнтар^[13].

Насельніцтва

• XX стагодзьдзе: 1940 год — 228 двароў, 812 жыхароў; 1959 год — 957 жыхароў (паводле перапісу); 1997 год — 313 гаспадарак, 687 жыхароў; 1999 год — 680 жыхароў
• XXI стагодзьдзе: 2004 год — 275 гаспадарак, 634 жыхары; 2010 год — 588 жыхароў; 2011 год — 260 гаспадарак, 634 жыхары

Выхадцы

• Мікалай Асмыковіч — поўны кавалер ордэна Славы
• Іван Вараб’ёў — Герой Сацыялістычнай Працы