Герэйка

Герэйка (Герыка, Герка), Гірэйка, Кірэйка (Кірык) — мужчынскае імя і вытворнае ад яго прозьвішча.

Gerecke
Паходжаньне
Мова(-ы)	германскія
Утворанае ад	Gero + суфікс з элемэнтам -к- (-k-)
Іншыя формы
Варыянт(ы)	Герыка, Герка, Гірэйка, Кірэйка, Кірык
Зьвязаныя артыкулы
якія пачынаюцца з «Ґерэйка»

Паходжаньне

Асноўны артыкул: Імёны ліцьвінаў

Герыка або Керыка, пазьней Герке або Кірэк (Gerico, Gericho, Gerecke, Gereke^[1], Kerico, Kericho, Gierke, Kiereck^[2]) — імя германскага паходжаньня^[3][4]. Іменная аснова -гер- (-гар-, -гір-) (імёны ліцьвінаў Гералт, Гермонт, Бутгер; германскія імёны Gerolt, Geromont, Butger) паходзіць ад стараісьляндзкага geirr, стараверхненямецкага gēr 'дзіда'^[5].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Geric (Gerich) і Gierko (Girko)^[6].

У Прусіі бытавала імя Герэка (Герка): Gerko (1355 год)^[7], Gereke (1419 год)^[8]. У 1581 годзе ў Каралявецкім унівэрсытэце навучаўся Martinus Gerick, Bartenstenensis Borussus, у 1624 годзе — David Gericke, Regiomontanus Borussus, у 1628 годзе — Johannes Gericke, Regiomontanus Borussus, у 1649 годзе — Christianus Gercke, Regiomontanus Borussus^[9]. Апроч таго, у Прусіі адзначалася прозьвішча Gericke^[10].

Германскае імя Gerke бытавала ў XV ст. у Рызе^[11].

У Польшчы адзначаюцца прозьвішчы Герэйкевіч (Gierejkiewicz) і Герэйка (Gierejko)^[12].

Варыянты імя ў гістарычных крыніцах: Gerke von Labiow (Паведамленьні аб літоўскіх дарогах)^[13]; Gerike Wintberg (1412 год)^[14]; ludmi… Pawła Kiryka (1514 год, 1782—1783 гады)^[15]; Родъ Кгерковъ^[16], Серникъ Полюховичъ Керыкъ (1567 год)^[17]; з роду Кгерковъ (15 верасьня 1568 году)^[18]; земянинъ господарьский повету Ковенского Марко Андрушковичъ Кгерковича (18 чэрвеня 1582 году)^[19]; Stanislawowi Giereykowi (1625 год)^[20]; Gierke / Kierke (1636 год)^[21]; Gireykowa wdowa (1671—1681 гады)^[22]; Gierkiewicz Andrzej (1689 і 1691 гады)^[23]; domek Wojciecha Gerekiewicza (1690 год)^[24]; honestis Joanne Gieryk (1742 год)^[25]; honestis Georgio Gieryk (1743 год)^[25]; wieś Jawtakie… Antoni Gieryk, ogulnik… wieś Kalniany… Jakub Gieryk (24 студзеня 1770 году)^[26].

Носьбіты

Кірэйкі (Kirejko) — літоўскі шляхецкі род з ваколіцаў Лынтупаў^[27].

Герке (Gehrke) — прозьвішча, гістарычна зафіксаванае на тэрыторыі цяперашняй Летувы^[28].

На 1903 год сяліба Герыкі і маёнтак Герыкішкі існавалі ў Шавельскім павеце Ковенскай губэрні^[29].

На 1904 год існавала вёска Кірыкава (Кірыкова) у Смаленскім павеце Смаленскай губэрні^[30].

На гістарычнай Слонімшчыне існуе вёска Гірыкі.