Дзягілі

Дзя́гілі^[1] — вёска ў Мядзельскім раёне Менскай вобласьці Беларусі. Уваходзіць у склад Слабадзкога сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дзягілі (неадназначнасьць).

Дзягілі
трансьліт. Dziahili
Краіна:	Беларусь
Вобласьць:	Менская
Раён:	Мядзельскі
Сельсавет:	Слабадзкі
Насельніцтва:	177 чал. (2009)
Часавы пас:	UTC+3
Тэлефонны код:	+375 1797
Паштовы індэкс:	222392
СААТА:	6240845019
Нумарны знак:	5
Геаграфічныя каардынаты:	54°55′26″ пн. ш. 27°5′15″ у. д.
Дзягілі на мапе Беларусі ± Дзягілі Дзягілі

Гісторыя

У 1752 годзе маёнтак Ашмянскага павету Віленскага ваяводзтва. Уваходзілі вёскі Дзягілі, Слабада, Кузьмічы і фальварак Гірвідава.

У 1868 годзе вёска Габской воласьці Вялейскага павету Віленскай губэрні, 19 двароў, 117 жыхароў. У 1904 годзе вёска Жосьнянскай воласьці Вілейскага павету, 244 жыхары. З 1900 працавала школа граматы. Побач з вёскай знаходзіліся аднайменныя фальварак і маёнтак, валоданьне Сальмановіча, 41 і 11 жыхароў.

З 1921 г. на месцы сучаснай вёскі знаходзіліся вёска (41 двор, 212 жыхароў), засьценак (1 двор, 12 жыхароў), фальварак (2 двары, 31 жыхар) і 2 калёніі ў складзе гміны Жосна Дунілавіцкага (з 1925 г. Пастаўскага) павету Віленскага ваяводзтва.

З 12.10.1940 году цэнтар сельсавету Мядзельскага раёну Вялейскай, з 20.09.1944 г. Маладэчанскай, з 20.01.1960 г. Менскай абласьцей. З 1946 года у вёсцы працавала хата-чытальня.

У 1949 створаны калгас імя Мічурына. З 1961 вёска — цэнтар калгасу імя Суворава, з 30.06.1992 г. — дапаможнай гаспадаркі «Дзягілі» Менскага маторнага завода.

Да 29 верасьня 2006 году вёска ўваходзіла ў склад Дзягільскага сельсавету^[2].

Насельніцтва

• 1921 год — 41 двор, 212 жыхароў^[3]
• 1960 год — 218 жыхароў
• 103 двары, 282 жыхары
• 2009 год — 177 чалавек^[4]

Славутасьці

На франтах Айчыннай вайны і ў партызанскай барацьбе загінулі 56 жыхароў. На ўшанаваньне іх памяці ў 1965 г. каля адміністрацыйнага будынку гаспадаркі пастаўлены абэліск.