Жылічы (пасёлак, Магілёўская вобласьць)

Жы́лічы^[2] — пасёлак у Качэрыцкім раёне Магілёўскай вобласьці. Знаходзіцца за 28 кілямэтраў на паўднёвы захад ад Качэрычаў на беразе ракі Добасны (прытока Дняпра)^[3]. Адміністрацыйны цэнтар Добасьненскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Жылічы.

Жылічы
Краіна:	Беларусь
Вобласьць:	Магілёўская
Раён:	Качэрыцкі
Сельсавет:	Добасьненскі
Насельніцтва:	1131 чал. (2009)[1]
Часавы пас:	UTC+3
Тэлефонны код:	+375 2237
Паштовы індэкс:	213948
СААТА:	7225812061
Нумарны знак:	6
Геаграфічныя каардынаты:	53°9′33.955″ пн. ш. 29°41′18.589″ у. д.
Жылічы на мапе Беларусі ± Жылічы Жылічы
Галерэя здымкаў у Вікісховішчы

Мінуўшчына

Палац Булгакаў на малюнку Напалеона Орды, XIX стагодзьдзе

Першыя згадкі пра паселішча датаваныя XIV стагодзьдзем. Маёнтак Жылічы належаў князям Трабскім, пасьля перайшло ва ўладаньні Хадкевічаў.

У пачатку XVII стагодзьдзя ва ўладаньнях Сапегаў, у пачатку XIX — Булгакаў. Ігнаці Булгак збудаваў у Жылічах у 20-30-я рокі XIX стагодзьдзя палац, зладзіў гаспадарку. У 1897—1915 роках дзейнічала вінакурня.

У 1909 року адкрытая земская школа^[3]. У 1920 року створаны саўгас «Жылічы». У пачатку 1920-х адкрытая 4-гадовая школа. Працаваў гурток па ліквідацы непісьменнасьці для дарослых. У палацы ў 1925 року разьмешчаная сельскагаспадарчая артэль. У 1927 року створаны калгас, у 1928 — вінакурня. У 1930 року ў палацы был адкрыты сельскагаспадарчы тэхнікум. У Другую сусьветную вайну, з канца чэрвеня 1941 року да канца чэрвеня 1944 року — пад нацыскай акупацыяй.

У 1965 року саўгас «Жылічы» быў аб’яднаны з навучальна-вытворчай гаспадаркай сельскагаспадарчага тэхнікуму ў саўгас-тэхнікум «Жылічы».

Насельніцтва

Жыліцкі дзяржаўны сельскагаспадарчы коледж

• XIX стагодзьдзе:
  • 1897 — 489 жыхароў
• XX стагодзьдзе:
  • 1909 — 492 жыхары
  • 1959 — 440 жыхароў
  • 1970 — 1109 жыхароў
  • 1986 — 707 жыхароў

• XXI стагодзьдзе:
  • 2002 — 749 жыхароў
  • 2007 — 1388 жыхароў^[3]
  • 2009 — 1131 жыхар

Турыстычная інфармацыя

Палацава-паркавы ансамбль XIX стагодзьдзя.