Забалеўскадворскі сельсавет

Забалеўскадво́рскі сельсаве́т (афіцыйная назва — Чырвонакастры́чніцкі сельсавет^[1] або Краснаакця́барскі сельсавет^[2]) — былая адміністрацыйна-тэрытарыяльная адзінка ў складзе Пухавіцкага раёну Менскай вобласьці. Адміністрацыйны цэнтар — вёска Забалеўскі Двор.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Чырвонакастрычніцкі сельсавет.

Забалеўскадворскі сельсавет
Агульныя зьвесткі
Краіна	Беларусь
Статус	сельсавет Беларусі[d] і былая адміністрацыйна-тэрытарыяльная адзінка[d]
Адміністрацыйны цэнтар	Забалеўскі Двор
Дата ўтварэньня	16 жніўня 1973
Дата скасаваньня	29 чэрвеня 2006
Насельніцтва	828 чал. (1999)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

У 1917 годзе створаны Балоцкі сельсавет у складзе Пухавіцкай воласьці Ігуменскага (з 18 верасьня 1923 году — Чэрвеньскага) павету Менскай губэрні РСФСР (з 1 студзеня 1919 году — Беларускай ССР), з 20 жніўня 1924 году — Пухавіцкага раёну Менскай акругі (17 ліпеня 1924 году — 26 ліпеня 1930 году), з 20 лютага 1938 году — Менскай вобласьці^[3].

16 жніўня 1973 году сельсавет перайменаваны ў Чырвонакастрычніцкі, цэнтар перанесены ў вёску Забалеўскі Двор (з 1922 году — Чырвоны Кастрычнік).

29 чэрвеня 2006 году сельсавет ліквідаваны, усе населеныя пункты — Асавок, Балоча, Высокая Старына, Дукаўка, Забалеўскі Двор, Залесьсе, Зафранцуская Грэбля, Падкосьсе, Растокі, Рэпішча, Снусьцік, Француская Грэбля, Хідра, Ясная Паляна — перададзеныя ў склад Пухавіцкага сельсавету^[4].

Населеныя пункты

• 1 студзеня 1974 году — 15^[5]
• 1 студзеня 1981 году — 14^[6]
• 1 студзеня 1986 году — 14^[7]