Балоча

Бало́ча^[1] — вёска ў Пухавіцкім раёне Менскай вобласьці Беларусі. Уваходзіць у склад Пухавіцкага сельсавету.

Балоча
трансьліт. Baloča
Першыя згадкі:	XVI стагодзьдзе
Краіна:	Беларусь
Вобласьць:	Менская
Раён:	Пухавіцкі
Сельсавет:	Пухавіцкі
Насельніцтва:	28 чал. (2009)
Часавы пас:	UTC+3
Тэлефонны код:	+375 1713
СААТА:	6244852005
Нумарны знак:	5
Геаграфічныя каардынаты:	53°32′43″ пн. ш. 28°25′4″ у. д.
Балоча на мапе Беларусі ± Балоча Балоча

Знаходзіцца за 18 км на ўсход ад раённага цэнтру, 18 км ад чыгуначнай станцыі Пухавічы на лініі Менск-Асіповічы, каля ракі Балачанка.

Гісторыя

Сьвіслацкі ўдзел вылучыўся са складу Менскага княства. Мяжа Сьвіслацкага ўдзелу з уласна Менскім ўдзелам праходзіла па ўмоўнай лініі вёскі Суцін — Арэшкавічы — Балоча. Па пісьмовых крыніцах сярэдзіны XVI ст. вядома як шляхецкае ўладаньне ў Менскім павеце ВКЛ.

Пасьля далучэньня да Расейскай імпэрыі ў 1793 годзе ў Пухавіцкай воласьці Ігуменскага павету Менскай губэрні.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

З чэрвеня 1941 году да 4 ліпеня 1944 году вёска была пад нямецкай акупацыяй. За час вайны была два разы спаленая.

Да 29 чэрвеня 2006 году вёска ўваходзіла ў склад Чырвонакастрычніцкага сельсавету^[2].

Насельніцтва

• пачатак XX ст. — 30 двароў, 209 жыхароў. У маёнтку Балоча — 1 двор, 69 жыхароў
• 1917 год — 41 двор, 244 жыхары. У маёнтку Балоча — 1 двор, 53 жыхары
• 2002 год — 17 двароў, 37 жыхароў
• 2009 год — 28 чалавек^[3]