Зарэчча (Камянецкі раён)

Зарэ́чча^[2] — вёска ў Камянецкім раёне Берасьцейскай вобласьці, за 45 км на захад ад Камянцу, за 43 км на паўночны захад ад Берасьця, за 11 км на паўднёвы захад ад чыгуначнай станцыі Высока-Літоўск на лініі Берасьце — Беласток і за 4 км на ўсход ад мяжы з Польшчаю. Уваходзіць у Агародніцкі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Зарэчча.

Зарэчча
трансьліт. Zarečča
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Агародніцкі
Насельніцтва:	27 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225081[1]
СААТА:	1240848026
Нумарны знак:	1
Геаграфічныя каардынаты:	52°20′18″ пн. ш. 23°17′40″ у. д.
Зарэчча на мапе Беларусі ± Зарэчча Зарэчча
Галерэя здымкаў у Вікісховішчы

Гісторыя

• у другой палове XIX ст.: вёска ў Воўчынскай воласьці Берасьцейскага павету Гарадзенскай губэрні, дзяржаўная ўласнасьць.
• 1890: у складзе Зарэчанскай сельскай грамады, якая мела 584 дзесяціны зямельных угодзьдзяў, у тым ліку 237 дзесяцінаў сядзібнай і ворыўнай зямлі.
• 1897: 35 двароў, 246 жыхароў; дзейнічала хлеба-запасная крама.
• 1905: 286 жыхароў.
• 1921: у складзе Воўчынскай гміны Берасьцейскага павету Палескага ваяводзтва міжваеннай Польшчы.
• 1923: 44 двары, 221 жыхар.
• 1924: у кастрычніку сяляне вёскі аказалі супраціў войту, які хацеў спагнаць недаімкі па падатках.
• 1939: у складзе Берасьцейскай вобласьці БССР.
• 1940: у складзе Агародніцкага сельсавету Высокаўскага раёну Берасьцейскай вобласьці, 63 двары, 309 жыхароў.
• 1960: 253 жыхары.
• 1962: у Камянецкім раёне.
• 1970: 227 жыхароў.

Насельніцтва

• 1999 год — 61 жыхар
• 2005 год — 38 жыхароў^[3], 29 двароў
• 2010 год — 27 жыхароў