Мордычы

Мо́рдычы^[1] (з 1964^[2] году — Зо́рычы^[3]) — вёска ў Беларусі, каля ракі Мышанкі. Уваходзяць у склад Маўчадзкага сельсавету Баранавіцкага раёну Берасьцейскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Зорычы.

Мордычы лац. Mordyčy
Першыя згадкі:	1798
Краіна:	Беларусь
Вобласьць:	Берасьцейская
Раён:	Баранавіцкі
Сельсавет:	Маўчадзкі
Насельніцтва:	27 чал. (2010)
Часавы пас:	UTC+3
Тэлефонны код:	+375 163
Паштовы індэкс:	225325
СААТА:	1204854011
Нумарны знак:	1
Геаграфічныя каардынаты:	53°15′47″ пн. ш. 25°51′26″ у. д.
Мордычы на мапе Беларусі ± Мордычы Мордычы

Гісторыя

Упершыню ўпамінаюцца ў 1798 году як вёска Мордычы. Паводле перапісу 1897 году, у Гарадзішчанскай воласьці Наваградзкага павету Менскай губэрні, дзеяў хлебазапасны магазын, працавала карчма.

25 сакавіка 1918 году згодна з Трэцяй Устаўной граматай Мордычы абвяшчаліся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яны ўвайшлі ў склад Беларускай ССР, у Берасьцейскі павет («падраён») Баранавіцкага раёну^[4]. Паводле Рыскай мірнай дамовы 1921 году Мордычы апынуліся ў складзе міжваеннай Польскай Рэспублікі, у Гарадзішчанскай гміне Наваградзкага ваяводзтва.

У 1939 годзе Мордычы ўвайшлі ў БССР, з 15 студзеня 1940 году ў Гарадзішчанскім раёне Баранавіцкай, з 8 студзеня 1954 году Брэсцкай абласьцей, з 25 сьнежня 1962 году ў Баранавіцкім раёне.

У 1964 годзе вёску Мордычы перайменавалі ў Зорычы.

Насельніцтва

• 1999 год — 51 чалавек
• 2010 год — 27 чалавек