Калодзіна

Кало́дзіна^[1] — вёска ў Мядзельскім раёне Менскай вобласьці. Уваходзіць у склад Занарацкага сельсавету.

Калодзіна
трансьліт. Kalodzina
Краіна:	Беларусь
Вобласьць:	Менская
Раён:	Мядзельскі
Сельсавет:	Занарацкі
Насельніцтва:	19 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222382
СААТА:	6240814046
Нумарны знак:	5
Геаграфічныя каардынаты:	54°46′55.99″ пн. ш. 26°47′21.98″ у. д.
Калодзіна на мапе Беларусі ± Калодзіна Калодзіна

Гісторыя

Згадваецца ў 1644 годзе як вёска Калодзін ў складзе маёнтку Занарач у Ашмянскім павеце ВКЛ^[2].

• 1868 год — зьяўлялася вёскай Сьвянцянскага павету Віленскай губэрні, налічвала 12 двароў і 113 жыхароў.
• 1904 год — вёска знаходзілася ў Занарачанскай воласьці Сьвянцянскага павету, налічвала 86 жыхароў. У вёсцы працавала царкоўнапрыходзкая школа, у якой у 1896/97 навучальны годзе навучаліся 11 хлопчыкаў.
• 1908 год — вёска налічвае 34 двары, насельніцтва складае 149 жыхароў.
• 12 кастрычніка 1940 году вёска ўвайшла ў склад Занарацкага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай). У 1940 годзе вёска налічвала 44 двары і 175 жыхароў.
• У верасьні 1943 году падчас Вялікай Айчыннай вайны нямецка-фашысцкія захопнікі цалкам спалілі вёску (44 двары) і забілі 13 жыхароў. Пасьля вайны вёска была адноўленая.
• 1949 год — створаны калгас імя Суворава.
• 20 студзеня 1960 году вёска ўвайшла ў склад Менскай вобласьці.
• З 1973 году вёска знаходзіцца ў складзе калгасу «Шлях да камунізму» з цэнтрам у вёсцы Занарач.

Насельніцтва

• XX стагодзьдзе: 1960 год — 103 жыхары; 1 студзеня 1997 году — 23 двары і 43 жыхары; 1999 год — 45 жыхароў
• XXI стагодзьдзе: 30 лістапада 2007 году — 37 жыхароў^[3]; 2010 год — 19 жыхароў

Інфраструктура

У вёсцы разьмяшчаюцца жывёлагадоўчая фэрма і прыватная крама.