Калінаўка (Мядзельскі раён)

Калі́наўка^[1] — вёска ў Мядзельскім раёне Менскай вобласьці Беларусі. Уваходзіць у склад Сваткаўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Калінаўка.

Калінаўка
трансьліт. Kalinaŭka
Краіна:	Беларусь
Вобласьць:	Менская
Раён:	Мядзельскі
Сельсавет:	Сваткаўскі
Насельніцтва:	13 чал. (2009)
Часавы пас:	UTC+3
Тэлефонны код:	+375 1797
Паштовы індэкс:	222384
СААТА:	6240840031
Нумарны знак:	5
Геаграфічныя каардынаты:	54°49′18.01″ пн. ш. 27°2′43.01″ у. д.
Калінаўка на мапе Беларусі ± Калінаўка Калінаўка

Гісторыя

У 1770 годзе вёска Мядзельскага староства Віленскага ваяводзтва.

У 1868 годзе вёска Мядзельскай воласьці Вялейскага павету Віленскай губэрні, побач быў аднайменны засьценак Калінаўка (з 1940-х вядомы як вёска Сівыя). У 1904 годзе ў вёсцы працавала школа граматы, дзе ў 1896/97 навучальным годзе вучыліся 12 хлопчыкаў.

З 1921 года вёска ў складзе гміны Мядзел Дунілавіцкага (з 1925 года Пастаўскага) павету Віленскага ваяводзтва.

З 12 кастрычніка 1940 году ў Сваткаўскім сельсавеце Мядзельскага раёну Вялейскай, з 20 верасьня 1944 году Маладэчанскай абласьцей, з 21 траўня 1951 году ў Лук’янаўскім, з 1952 году — Сваткаўскім сельсаветах, з 20 студзеня 1960 году ў Менскай вобласьці.

У 1948 годзе створаны калгас імя Калініна. У 1951—1952 гадах вёска — цэнтар узбуйненага калгасу з той жа назвай (3 вёскі), з 1952 году ў калгасе імя Молатава, які 30 ліпеня 1957 году перайменаваны ў калгас «Зара», з 1988 года ў калгасе імя Леніна (цэнтар — вёска Сваткі), з 1994 года ў аграфірме «Зара», з сакавіка 1997 года ў сельскагаспадарчым прадпрыемстве імя М. Танка (цэнтар — Сваткі).

Насельніцтва

• 1770 год — 3 сям’і
• 1868 год — 7 двароў, 66 жыхароў
• 1904 год — 201 жыхар
• 1908 год — 28 двароў, 168 жыхароў
• 1921 год — 28 двароў, 141 жыхар^[2]
• 1931 год — 29 двароў, 152 жыхары^[3]
• 1940 год — 28 двароў, 147 жыхароў
• 1960 год — 104 жыхары
• 1997 год — 19 двароў, 33 жыхары
• 2009 год — 13 чалавек^[4]