Лук’янавічы

Лук’я́навічы^[1] — вёска ў Мядзельскім раёне Менскай вобласьці, уваходзіць у склад Мядзельскага сельсавету.

Лук’янавічы
трансьліт. Lukjanavičy
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	306 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222400
Нумарны знак:	5
Геаграфічныя каардынаты:	54°51′6″ пн. ш. 27°0′45″ у. д.
Лук’янавічы на мапе Беларусі ± Лук’янавічы Лук’янавічы

Гісторыя

• 1868 год — зьяўлялася вёскай у Мядзельскай воласьці Вялейскага павету Віленскай губэрні. Вёска налічвала 26 двароў і 230 жыхароў.
• 19 траўня 1892 году ад пажару ў вёсцы згарэлі 22 дамы сялянаў з будынкамі і ўсёй маёмасьцю.
• У 1892 годзе адчыненая школа граматы. У 1896/1897 навучальным годзе ў ёй вучыліся 12 хлопчыкаў.
• 1904 год — вёска налічвала 431 жыхара.
• 1908 год — у складзе вёскі 74 двары, 439 жыхароў.
• 1921 год — знаходзіцца ў складзе Мядзельскай гміны Дунілавіцкага павету (з 1925 году — Пастаўскага) Віленскага ваяводзтва. У складзе вёскі знаходзіліся 74 двары, пражывалі 388 жыхароў.
• 1931 — 77 двары, пражывалі 410 жыхароў^[2].
• З 12 кастрычніка 1940 году вёска зьяўлялася цэнтрам Лук’янавіцкага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай). Тут знаходзіліся 79 двароў і 330 жыхароў.
• верасень 1943 году — падчас Вялікай Айчыннай вайны нямецка-фашысцкія захопнікі спалілі вёску (79 двароў). Пасьля вайны вёска была адбудаваная.
• 1948 год — створаны калгас імя Калініна.
• З 16 ліпеня 1954 году і з 25 студзеня 1996 году знаходзіцца ў складзе Мядзельскага сельсавету, з 17 лістапада 1959 году — у складзе гарпассавету Мядзельскага раёну.
• З 1951 году вёска зьяўляецца цэнтрам узбуйненага калгасу «Пераможца». З 1954 году Лук’янавічы зьяўляюцца цэнтрам сучаснага калгасу з той жа назвай.
• 20 студзеня 1960 году вёска ўвайшла ў склад Менскай вобласьці.

Насельніцтва

• 2010 год — 306 жыхароў
• 1999 год — 259 жыхароў
• 1 студзеня 1997 году — 99 двароў, 267 жыхароў

Інфраструктура

У Лук’янавічах знаходзіцца адміністрацыйны будынак калгасу, аддзяленьне сувязі, клюб, бібліятэка, фэльчарска-акушэрскі пункт, крама, прыватная крама, базавая школа, рамонтныя майстэрні, комплексна-прыёмны пункт бытавога абслугоўваньня насельніцтва, жывёлагадоўчы комплекс.

Таксама на тэрыторыі вёскі ўсталяваны помнік 48 аднавяскоўцам, якія загінулі падчас Вялікай Айчыннай вайны.