Любейкі (Сямяціцкі павет)

Любе́йкі (польск. Lubiejki, падляск. Lubiéjki^[2]) — вёска ў Польшчы, каля ракі Нурчыку. Уваходзяць у склад гміны Мілейчыцы Сямяціцкага павету Падляскага ваяводзтва.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Любейкі (неадназначнасьць).

Любейкі лац. Lubiejki
польск. Lubiejki
Першыя згадкі:	1676
Былая назва:	Любэйкі
Мясцовая назва:	Lubiejki
Краіна:	Польшча
Ваяводзтва:	Падляскае
Павет:	Сямяціцкі
Гміна:	Мілейчыцы
Насельніцтва:	20 чал. (31 сакавіка 2021)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-332
Нумарны знак:	BSI
Геаграфічныя каардынаты:	52°37′0″ пн. ш. 23°3′0″ у. д.
Любейкі на мапе Польшчы Любейкі

Назва

Асноўны артыкул: Любейка

Любіка або Любека (Lubbiko, Liubbecha) — імя германскага паходжаньня^[3]. Адпаведнасьць літоўскіх імёнаў на -ейка (-іка) германскім імёнам з суфіксам -к- (Вілейка — Wilico, Мінейка — Minnico, Радзейка — Radecke < Radacho і г. д.) сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[4].

Гісторыя

Вёска і невялікі маёнтак Любейкі ўпершыню ўпамінаюцца ў 1676 годзе^[2]. У міжваенны пэрыяд Любейкі належалі да гміны Куты Бельскага павету Беластоцкага ваяводзтва. Паводле польскага перапісу насельніцтва 1921 году, тут жыло 79 чалавек (74 каталікоў і 5 праваслаўных, акрамя 1 беларуса ўсе жыхары былі запісаныя палякамі)^[5].

Насельніцтва

Дэмаграфія

• 1905 год — 40 чалавек^[6]

Склад

Жыхары вёскі ў большасьці палякі-каталікі (парафія Маткі Боскай Балеснай у Асмоле^[7]).