Людгардаўка

Людга́рдаўка^[1] — вёска ў Беларусі, каля ракі Алы. Уваходзіць у склад Шчадрынскага сельсавету Жлобінскага раёну Гомельскай вобласьці. Насельніцтва на 2004 год — 42 чалавекі. Знаходзіцца за 31 км на захад ад места Жлобіну, за 15 км ад чыгуначнай станцыі Чырвоны Бераг (лінія Бабруйск — Жлобін), за 127 км ад Гомля.

Людгардаўка лац. Ludhardaŭka / Ludgardaŭka
Краіна:	Беларусь
Вобласьць:	Гомельская
Раён:	Жлобінскі
Сельсавет:	Шчадрынскі
Насельніцтва:	▼10 чал. (2019)
Часавы пас:	UTC+3
Тэлефонны код:	+375 2334
СААТА:	3218876041
Нумарны знак:	3
Геаграфічныя каардынаты:	52°52′15″ пн. ш. 29°37′43″ у. д.
Людгардаўка на мапе Беларусі ± Людгардаўка Людгардаўка

Назва

Асноўны артыкул: Лютгарда

Лютгарда або Людгерда (Leutgardis, Liudgerda) — імя германскага паходжаньня^[2].

Гісторыя

У пісьмовых крыніцах упершыню ўпамінаецца ў XIX стагодзьдзі як вёска ў Сьцяпоўскай воласьці Бабруйскага павету Менскай губэрні. Да 1884 году тут было 8 двароў^[3]. Паводле перапісу 1897 году — 24 двары.

З 1921 году дзеяла школа. У 1930 годзе жыхары ўступілі ў калгас. На 1940 год — 49 двароў. У часе Другой сусьветнай вайны нацысты спалілі 7 двароў. 13 жыхароў загінулі на фронце. Паводле перапісу 1959 году, у складзе калгасу «Чырвоная Зорка» (цэнтар — вёска Кіцін). На 2004 год — 21 гаспадарка.

Геаграфія

На поўдні і ўсходзе сетка мэліярацыйных каналаў, на поўначы гідралягічны заказьнік «Дубоўка».

Насельніцтва

• XIX стагодзьдзе: 1897 год — 177 чалавек (паводле перапісу)
• XX стагодзьдзе: 1909 год — 206 чалавек^[4]; 1940 год — 238 чалавек; 1959 год — 235 чалавек (паводле перапісу)
• XXI стагодзьдзе: 2004 год — 42 чалавекі^[5]