Лютэр (імя)
From Wikipedia, the free encyclopedia
Remove ads
Лютэр, Лютар, Людэр, Людар, Літэр — мужчынскае імя і вытворнае ад яго прозьвішча.
Паходжаньне
Лютэр, Лютар, Людэр, Людар або Літэр (Luther, Liuter, Liutar, Liuder, Liudar, Litterius) і Герылют (Herileut) — імёны германскага паходжаньня[1][2][3][4][5]. Іменная аснова -люд- (-лют-) (імёны ліцьвінаў Людвін, Людкен, Людамонт; германскія імёны Liudwin, Luidikin, Ludimunt) паходзіць ад гоцкага і бургундзкага liuþs, leuda 'люд, людзі'[6], а аснова -гер- (-ер-) (імёны ліцьвінаў Герман, Гунтэр, Кіндэр; германскія імёны Herman, Gunter, Kinder) — ад гоцкага harjis[7], германскага heri 'войска, загон' або гоцкага hairus[8], германскага heru 'меч'[9].
Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Luter (Lutir)[10].
У 1600 годзе ў Каралявецкім унівэрсытэце навучаўся Joannes Luder, Auristeus Borussus, у 1640 годзе — Petrus Luderus, Conicensis Prussus[11]. У 1647 годзе ў папскай сэмінарыі ў Браўнсбэргу навучаўся Joannes Lider, Prutenus[12].
У Польшчы (Памяранія) у 1606 годзе адзначалася прозьвішча Luder[13].
Варыянты імя ў гістарычных крыніцах: подле земль пана Кгедройтя и Станислава Лютара (1554 году)[14]; Jurko Liuter (1594 год)[15]; Яцъко Лютаренъко… Феско Люторенъко… Степанъ Лютеръ (1649 год)[16]; Magdalena Ludarówna (1727 год)[17]; Luteryszki (1744 год)[18]; Tadeusz Lutorowicz (6 лютага 1786 году)[19]; Florian Lutorowicz, komornik pow. kow. <…> przez Floriana Luterowicza, komornika pow. kow. (7 лютага 1786 году)[20]; Marcjanna Lutarewicz (1814 год)[21]; Wiktoria Literowicz (1815 год)[22]; Karolina Ludorowicz (1826 год)[23].
Remove ads
Носьбіты
Імя
- Лютэр фон Браўншвайг (~1275-1335) — вялікі магістр Тэўтонскага ордэну
- Лютэр Бэрбанк (1849—1926) — амэрыканскі батанік
- Марцін Лютэр Кінг (1929—1968) — амэрыканскі прапаведнік, змагар за правы афраамэрыканцаў
- Лютэр Вэндрас (1951—2005) — амэрыканскі рытм-энд-блюзавы сьпявак
Прозьвішча
- Марцін Лютэр (1483—1546) — нямецкі сьвятар XVI стагодзьдзя, пачынальнік рэфармацыйнага руху
- Станіслаў Лютар — упіцкі зямянін, які ўпамінаецца ў 1554 годзе
- Станіслаў Вашкевіч Лютэр — вількамірскі зямянін, які ўпамінаецца ў 1606 годзе[24]
- Грышка Лютар — жыхар вёскі Вішнеўкі (Гарадзенскі павет), які ўпамінаецца ў 1770 годзе[25]
- Карл Тэадор Робэрт Лютэр (1822—1900) — нямецкі астраном
- Ганс Лютэр (1879—1962) — нямецкі дзяржаўны дзяяч
- Аляксей Даніілаў Лютаровіч — шляхціч з Аколіцы, які спачыў на могілках пры касьцёле ў 1912 годзе[26]
- Адэля Лютарэвічова — жыхарка Аколіцы, якая спачыла на каталіцкіх могілках у 1916 годзе[27]
Лютаровічы — літоўскі шляхецкі род[28].
У XVI ст. існаваў «абруб» Людэры (Людеры) у Жамойцкім старостве[29].
На 1884—1903 гады існавала вёска Людары ў Шавельскім павеце Ковенскай губэрні[30][31].
На 1910 год існавала вёска Лютраўка ў Чэрыкаўскім павеце Магілёўскай губэрні[32].
Remove ads
Глядзіце таксама
Крыніцы
Wikiwand - on
Seamless Wikipedia browsing. On steroids.
Remove ads