Мажэйкі

Мажэ́йкі (лет. Mažeikiai) — места ў Летуве, на рацэ Віндаве. Адміністрацыйны цэнтар Мажэйкаўскага раёну Цельшыцкага павету. Насельніцтва на 2018 год — 33 281 чалавек (восьмае колькасьцю насельніцтва места краіны). Знаходзяцца каля мяжы з Латвіяй.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мажэйкі (неадназначнасьць).

Мажэйкі лац. Mažejki
лет. Mažeikiai
Герб Мажэйкаў Сьцяг Мажэйкаў
Першыя згадкі:	1335
Горад з:	1924
Краіна:	Летува
Павет:	Цельшыцкі
Плошча:	14 км²
Вышыня:	81 м н. у. м.
Насельніцтва (2018)
колькасьць:	33 281 чал.
шчыльнасьць:	2377,21 чал./км²
Часавы пас:	UTC+2
летні час:	UTC+3
Паштовы індэкс:	89001, 89016, 89021
Геаграфічныя каардынаты:	56°18′40″ пн. ш. 22°20′10″ у. д.
Мажэйкі на мапе Летувы Мажэйкі
Галерэя здымкаў у Вікісховішчы
http://www.mazeikiai.lt

Мажэйкі — даўняя вёска гістарычнай Жамойці.

Назва

Асноўны артыкул: Мажэйка (імя)

Мазека або Мазіка (Mazecha, Mazika) — імя германскага паходжаньня^[1]. Адпаведнасьць літоўскіх імёнаў на -ейка (-іка) германскім імёнам з суфіксам -к- (Вілейка — Wilico, Мінейка — Minnico, Радзейка — Radecke < Radacho і г. д.) сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[2].

Гісторыя

Упершыню ўпамінаюцца ў 1335 годзе: у хроніцы Лівонскага ордэна гаворыцца пра выправу ордэнскага войска, у час якой разрабавалі землі князя Мажэйкі.

Пачалі хутка разьвівацца ў 1869 годзе, калі тут прайшла галіна чыгункі Вільня — Лібава. У 1893 годзе ў Мажэйках было 13 крамаў і 5 броварняў. У 1894 годзе тут збудавалі царкву, у 1902 годзе — касьцёл, а ў 1906 — лютэранскую кірху.

У 1924 годзе Мажэйкі атрымалі статус места.

Эканоміка

Прамысловы цэнтар на поўначы Летувы, тут знаходзіцца нафтапераапрацоўчае прадпрыемства «Mažeikių Nafta».