Маргі (Мядзельскі раён)

Маргі́^[1] — вёска ў Мядзельскім раёне Менскай вобласьці, на мяжы зь Вялейскім раёнам. Уваходзіць у склад Княгінінскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Маргі.

Маргі
трансьліт. Marhi
Краіна:	Беларусь
Вобласьць:	Менская
Раён:	Мядзельскі
Сельсавет:	Княгінінскі
Насельніцтва:	1 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222404
СААТА:	6240820086
Нумарны знак:	5
Геаграфічныя каардынаты:	54°41′12″ пн. ш. 27°4′31″ у. д.
Маргі на мапе Беларусі ± Маргі Маргі

Гісторыя

• 1921 год — вёска ў складзе гміны Рэчкі Вялейскага павету Віленскага ваяводзтва. У складзе вёскі знаходзіліся 17 двароў і 116 жыхароў.
• 1931 год — зьяўлялася вёскай у складзе Крывіцкай гміны Вялейскага павету Віленскага ваяводзтва. Налічвала 24 двары і 121 жыхар.
• З 12 кастрычніка 1940 году вёска знаходзіцца ў складзе Княгініскага сельсавету Крывіцкага раёну Вялейскай вобласьці (з 20 верасьня 1944 году — Маладэчанскай).
• У 1940 годзе насельніцтва вёскі складала 25 двароў і 107 жыхароў.
• У верасьні 1943 году падчас Вялікай Айчыннай вайны нямецка-фашысцкія захопнікі спалілі вёску (25 двароў) і забілі 2 жыхароў. Пасьля вайны вёска была адбудаваная.
• 1949 год — створаны калгас імя Кутузава.
• З 1957 году вёска знаходзіцца ў складзе саўгасу «Крывічы» з цэнтрам у вёсцы Княгінін.
• 20 студзеня 1960 году вёска ўвайшла ў склад Менскай вобласьці.
• 1960 год — насельніцтва вёскі складала 113 жыхароў.
• З 25 сьнежня 1962 году вёска знаходзіцца ў складзе Мядзельскага раёну.

Насельніцтва

• 2010 год — 1 жыхар
• 1999 год — 9 жыхароў
• 1 студзеня 1997 году — 10 двароў, 12 жыхароў

Інфраструктура

У вёсцы працуе крама.