Матарова

Матаро́ва^[1] — вёска ў Беларусі, каля ракі Слоўсту. Уваходзіць у склад Голацкага сельсавету Пухавіцкага раёну Менскай вобласьці. Знаходзіцца за 39 км на паўночны захад ад Мар'інай Горкі, за 18 ад чыгуначнага прыпынкавага пункту Рудзенск (лінія Менск — Асіповічы), каля шашы Менск — Бабруйск (0,3 км).

Матарова лац. Matarova
Краіна:	Беларусь
Вобласьць:	Менская
Раён:	Пухавіцкі
Сельсавет:	Голацкі
Насельніцтва:	444 чал. (2009)
Часавы пас:	UTC+3
Тэлефонны код:	+375 1713
Паштовы індэкс:	222846
Нумарны знак:	5
Геаграфічныя каардынаты:	53°44′24″ пн. ш. 27°51′42″ у. д.
Матарова на мапе Беларусі ± Матарова Матарова
Галерэя здымкаў у Вікісховішчы

Назва

Асноўны артыкул: Матар

Матэр (Mather, Matter) — імя германскага паходжаньня^[2][3].

Гісторыя

Вялікае Княства Літоўскае

У пісьмовых крыніцах упамінаецца ў 1582 годзе як сяло і маёнтак Матарова Менскага павету Вялікага княства Літоўскага.

Пад уладай Расейскай імпэрыі

У выніку другога падзелу Рэчы Паспалітай (1793 год) Матарова апынулася ў складзе Расейскай імпэрыі. У XIX — пачатку XX ст. сяло ў Дукорскай воласьці Ігуменскага павету Менскай губэрні. На 1886 годзе была праваслаўная царква. Паводле перапісу 1897 году, дзеяла капліца, працавала школа царкоўнай граматы, хлебазапасны магазын. На пачатак ХХ ст. была царква і царкоўнапрыходская школа. Побач з вёскай знаходзіўся аднайменны маёнтак.

У Першую сусьветную вайну ў лютым — сьнежні 1918 году Матарова занялі войскі Нямецкай імпэрыі.

Найноўшы час

25 сакавіка 1918 году згодна з Трэцяй Устаўной граматай Матарова абвяшчалася часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР. У жніўні 1919 — ліпені 1920 вёска знаходзілася пад польскай уладай.

Па рэвалюцыі працавала працоўная школа 1-й ступені, у якой у 1922 годзе навучалася 120 вучняў, з іх 49 дзяўчынак, працавала 2 настаўнікі. У 1933 годзе быў калгас «Краіна Саветаў».

З чэрвеня 1941 году да пачатку 4 ліпеня 1944 году вёска была пад нямецкай акупацыяй.

У 1966 годзе далучаны Пасёлак торфапрадпрыемства «Сьцяг Саветаў».

Насельніцтва

Дэмаграфія

• 1886 год — 47 двароў, 518 чалавек
• 1897 год — 117 двароў, 761 чалавек
• 1909 год — 963 чалавекі ў вёсцы Матарове і 20 чалавек у маёнтку Матарове^[4]
• 1917 год — 151 двор, 972 чалавекі; маёнтак 1 двор, 2 чалавекі
• 2002 год — 180 двароў, 419 чалавек
• 2009 год — 444 чалавекі^[5]

Культура

Дзеюць бібліятэка і клюб.

Адукацыя

Працуюць базавая школа і дзіцячыя ясьлі-сад.

Мэдыцына

Мэдычны паслугі надае мэдычны пункт.

Эканоміка

Працуюць сядзіба калгаса, мэханічныя майстэрні, пошта, ашчадная каса, 2 крамы і аптэка.

Транспарт

Брацкая магіла

З раённым цэнтрам Матарова зьвязвае аўтобусны маршрут.

Страчаная спадчына

• Капліца (упамінаецца ў 1897 годзе)
• Царква (упамінаецца ў 1886 годзе)