Муляраўка

Муля́раўка^[1] (трансьлітарацыя: Muliaraŭka) — пасёлак у Петрыкаўскім раёне Гомельскай вобласьці. Цэнтар Муляраўскага сельсавету.

Муляраўка
Першыя згадкі:	XIX стагодзьдзе
Краіна:	Беларусь
Вобласьць:	Гомельская
Раён:	Петрыкаўскі
Сельсавет:	Муляраўскі
Насельніцтва:	▼486 чал. (2019)
Часавы пас:	UTC+3
Тэлефонны код:	+375 2350
Паштовы індэкс:	247930
СААТА:	3243864056
Нумарны знак:	3
Геаграфічныя каардынаты:	52°12′25″ пн. ш. 28°33′44″ у. д.
Муляраўка на мапе Беларусі ± Муляраўка Муляраўка
Галерэя здымкаў у Вікісховішчы

Знаходзіцца за 12 км на поўнач ад места Петрыкава, за 178 км ад Гомля^[2].

Мінуўшчына

У пісьмовых крыніцах вядомая з XIX стагодзьдзя як невялікае паселішча ў Петрыкаўскай воласьці Мазырскага павету Менскай губэрні. Назву атрымала ад урочышча.

15 лютага 1886 року ўведзеная ў эксплюатацыю чыгуначная станцыя на чыгунцы Лунінец — Гомель. 10 лістапада 1896 ад пажару згарэў мясцовы тартак.

22 лютага 1942 року савецкія партызаны ў часе вайны зь Нямеччынай разграмілі акупацыйны гарнізон. Гэта была адна зь першых баявых партызанскіх апэрацый на чыгуначных камунікацыях. У 1943 року нацысты часткова спалілі пасёлак.

З 8 студзеня 1986 року — цэнтар Муляраўскага сельсавету.

Геаграфія

Чыгуначная станцыя лініі Лунінец — Каленкавічы, за 12 км на паўночны ўсход ад Петрыкава, 178 км ад Гомля.

Інфраструктура

Дзейнічаюць Петрыкаўскі адкормавы пункт, раённыя аб’яднаньні «Сельгастэхніка» і «Сельгасхімія», керамзітавы завод, фэльчарска-акушэрскі пункт, пачатковая школа, бібліятэка, дзіцячы садок, клюб, паштовае аддзяленьне, крама.

Насельніцтва

• 1897 — 57 жыхароў, 9 двароў;
• 1917—130 жыхароў;
• 1959 — у пасёлку 100 жыхароў, на чыгуначнай станцыі — 73 жыхары;
• 1999—649 жыхароў, 210 двароў^[2];
• 2004—572 жыхары, 204 гаспадаркі.