Навасёлкі (Навасёлкаўскі сельсавет, Петрыкаўскі раён)

Навасёлкі^[1] — вёска ў Петрыкаўскім раёне Гомельскай вобласьці, за 22 км на паўночны захад ад Капаткевічаў, за 50 км на поўнач ад Петрыкава. Навасёлкі ўваходзяць у склад і зьяўляюцца цэнтрам Навасёлкаўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Навасёлкі.

Навасёлкі
трансьліт. Navasiolki
Дата заснаваньня:	перад 1552 годам
Краіна:	Беларусь
Вобласьць:	Гомельская
Раён:	Петрыкаўскі
Сельсавет:	Навасёлкаўскі
Вышыня:	125 м н. у. м.
Насельніцтва:	999 чал. (2010)
Часавы пас:	UTC+3
Тэлефонны код:	+375 2350
Паштовы індэкс:	247924
Нумарны знак:	3
Геаграфічныя каардынаты:	52°24′14″ пн. ш. 28°32′34″ у. д.
Навасёлкі на мапе Беларусі ± Навасёлкі Навасёлкі
Галерэя здымкаў у Вікісховішчы

Гісторыя

Найраней Навасёлкі згаданыя ў апісаньні Мазырскага замку 1552 года. Належалі да Скавішынскай нядзелі^[a] Бчыцкай воласьці Кіеўскага ваяводзтва Вялікага Княства Літоўскага. Побач зь імі названыя таксама сёлы Піліпавічы, Ванюжычы, Камаровічы, Бобрык, Грабаў, Хваставічы^[b], якія ўсе разам мелі 71-го жыхара^[3].

Дани з нихъ меду 10 кадей, серебра за бобры и за куницы 5 коп грошей, тивунщины и приставки 20 безменовъ, выкоту 30 грошей, писчого 20 грошей, овса 2 ведеръ, сыровъ 5, масла безменъ, пшона 2 безмены, з 2 куровъ грошъ, за 2 хлебы грошъ, за 2 вощины полтора гроша: – 10 кадь, 3 камени, 2 безмены, 5 копъ и полъ 4 гроша.

Насельніцтва

• 1999 год — 1413 чалавек
• 2010 год — 999 чалавек

Заўвагі

1. Нядзелі альбо чэргі (у складзе кожнай некалькі паселішчаў), на якія падзяляліся Мазырская і Бчыцкая воласьці, як даводзілася несьці замкавую службу, выконваць работы на карысьць замку. Па нядзелях разьмяркоўваліся і плацёжныя павіннасьці^[2].
2. Усе пералічаныя паселішчы, акрамя Хваставічаў, існуюць і сёньня, а Ванюжычы і Піліпавічы (Філіпавічы) — у складзе Навасёлкаўскага сельсавету.