Надзея (Магілёўская вобласьць)

Надзея (Надзежда) — вёска ў Чавускім раёне Магілёўскай вобласьці. Уваходзіць у склад Каменскага сельсавету, які да 23 сьнежня 2009 г. называўся Благавіцкім. За 10 км на поўнач ад Чавусаў, 51 км на ўсход ад Магілёва і 15 км на паўночны ўсход ад чыгуначнай станцыі Чавусы. На поўні мяжуе зь лесам і цячэ рака Рэўза (прыток ракі Бася). Злучаецца дарогай празь былую (нежылую) вёску Забалацьце з шашой Магілёў—Чавусы. Мае адну прамалінейную вуліцу, скіраваную з паўднёвага ўсходу на паўночны захад і двухбакова забудаваную драўлянымі сядзібамі^[2].

Надзея
трансьліт. Nadzieja
Дата заснаваньня:	1920-я гг.
Былая назва:	Надзежда
Краіна:	Беларусь
Вобласьць:	Магілёўская
Раён:	Чавускі
Сельсавет:	Каменскі
Насельніцтва
колькасьць:	11 чал. (2009)
этнічны склад:	Беларусы, расейцы (2009)
колькасьць двароў:	4 (2012)[1]
Часавы пас:	UTC+3
Тэлефонны код:	+375 2242
Паштовы індэкс:	213217
СААТА:	7 254 808 051
Нумарны знак:	6
Геаграфічныя каардынаты:	53°51′52.2513109584″ пн. ш. 30°56′4.7583783600″ у. д.
Надзея на мапе Беларусі ± Надзея Надзея

Гісторыя

Вёску заснавалі ў 1920-я гг. на былых памешчыцкіх землях. У 1932 г. у вёсцы ўтварылі аднайменны калгас «Надзея», які злучыў 12 гаспадарак. Пры ім працавала ваўначоска. У 1934 г. калгасп пачала абслугоўваць Макрадзкая машынна-трактарная станцыя (МТС)^[2]. У 1937 г. у вёску сагналі навакольных хутаранаў^[1]. Падчас Нямецка-савецкай вайны вёска знаходзілася пад нямецкай акупацыяй з 22 ліпеня 1941 г. па 24 чэрвеня 1944 году. У 1952 г. Надзею радыёфікавалі. У 1954 г. правялі электрычнасьць. У 1990 г. налічвалася 17 гаспадарак і 23 жыхары; знаходзілася ў складзе калгаспа «Ленінскі шлях» (вёска Каменка). У 2007 г. налічвала 6 гаспадарак і 9 жыхароў^[2]. На 2011 г. — 4 хаты і 8 летніх дачаў^[1].