Нода

Нода, Нот (Ноць, Нут) — мужчынскае імя.

Noddo
Паходжаньне
Мова(-ы)	германскія
Іншыя формы
Варыянт(ы)	Нот, Ноць, Нут
Зьвязаныя імёны	Нацейка, Нацель, Нутаўт, Нутар
Зьвязаныя артыкулы
якія пачынаюцца з «Нода»

Паходжаньне

Асноўны артыкул: Імёны ліцьвінаў

Нода, Нота, Нот або Нута (Noddo, Noto, Noth, Nutte^[1]) — імя германскага паходжаньня^[2][3]. Іменная аснова -нод- (-нот-) паходзіць ад гоцкага nauds 'патрэба'^[3]. Сярод ліцьвінаў бытавалі імёны Нацейка, Нацель, Нутаўт, Нутар (Нотар). Адзначаліся германскія імёны Nothicho, Notilo (Nötel), Notaldus, Nudhari (Nothar).

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Nodel (Nodyl)^[4].

Варыянты імя ў гістарычных крыніцах: человека… Нотя Якубовича (30 кастрычніка 1516 году)^[5]; Лавриновая Нотевича… Янушко Нотевичъ (1528 год)^[6]; Амброжеи Нотевич (1533—1535 гады)^[7]; на подданого господарьского тогожъ сорока на Нотя Станевича (17 траўня 1541 году)^[8]; лавника Нотя Домековича (15 лютага 1585 году)^[9]; Jan Mikołajewicz Notowicz на miejscu rodzica swego Mikołaja Notowicza… Walenty Nutowicz Kaszewski (1667 год)^[10][a].

Носьбіты

• Нода — літоўскі баярын, які ўпамінаецца ў 1290 годзе^[3]
• Лаўрын і Янушка Ноцевічы — упіцкія баяры, якія ўпамінаюцца ў попісе войска Вялікага Княства Літоўскага 1528 году
• Амбражэй Ноцевіч — упіцкі баярын, які ўпамінаецца паміж 1533 і 1535 гадамі

Натовічы або Нутовічы (Notowicz, Nutowicz) гербу Ляліва — літоўскі шляхецкі род^[14].

Натовіч (Notowicz) — прозьвішча, зафіксаванае ў XIX стагодзьдзі ў ваколіцах Сувалкаў^[15].

Заўвагі

1. Таксама:

   • Нутан: Людвік і Казімер Нутаны (Nutan) — уладальнікі гаспадаркі ў Ігнаполі каля Дзісны на 1933 год^[11];
   • Надрат (адзначалася старажытнае германскае імя Nothrad^[12]): Надратовічы — літоўскі шляхецкі род^[13]