Нутаўт

Нутаўт — мужчынскае імя і вытворнае ад яго прозьвішча.

Notald
Паходжаньне
Мова(-ы)	германскія
Утворанае ад	Noto + Wald
Зьвязаныя артыкулы
якія пачынаюцца з «Нутаўт»

Паходжаньне

Асноўны артыкул: Імёны ліцьвінаў

Ноталд, пазьней Нотальд, Нотэльд або Нотальт (Notold^[1], Notaldus, Noteldus^[2], Nothold, Notholt^[3]) — імя германскага паходжаньня^[4]. Іменная аснова -нод- (-нот-) (імёны ліцьвінаў Нацейка, Нацель, Нутар; германскія імёны Nothicho, Nötel, Nudhari) паходзіць ад гоцкага nauds 'патрэба'^[5], а аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) — ад гоцкага і германскага waldan 'валодаць, гаспадарыць' або wulþus 'слава, мажнасьць'^[6].

Варыянты імя ў гістарычных крыніцах: Dawid Nutowt na miejscu P. Krzysztofa Nutowcia brata… Kazimierz Nutowć… Józef Nutowć na miejscu rodzica z Nutowciów (1690 год)^[7]; pater Antonius Nutowt in conventu nostro Połocensi (1706 год)^[8]; R. P. Franciscus Nutowt Koltynianis (6 верасьня 1710 году)^[9].

Носьбіты

• Батрамей Марцінавіч Нутаўт — расенскі зямянін, які ўпамінаецца ў 1599 годзе^[10]
• Адольф Нутаўт — шляхціч-каталік з ваколіцаў Расенаў, які меў у валоданьні зямлю на 1882 і 1889 гады^[11][12]

Нутоўці — літоўскі шляхецкі род^[13].

На тэрыторыі цяперашняй Летувы фіксавалася прозьвішча Нотаўт у летувізаванай форме^[14].

Глядзіце таксама

• Нода
• Вальда